片/灣仔阿叔串爆警察?霸氣哥再現「反送中」示威!

2014年香港旺角「鳩嗚」嘅警民衝突,有位霸氣哥相當出位,以理服警,相當正氣,估唔到佢喺五年之後再現江湖!

Image source:《立場新聞》直播截圖

文:積遜猿

6月26號晚,民陣G20 Free Hong Kong集會,有過萬香港市民參加,集會完結之後,唔少示威者仍然留守現場,繼續抗爭。佢哋喺警總正門搭成防線,以鐵馬圍封警總近告士打道嘅鐵閘,高呼「釋放義士」。

喺今次示威入面,又有香港市民俾多位警察圍堵搜身,而呢位市民嘅正氣凜然,佢嘅霸氣外露,引起咗無數網民激讚,仲封咗佢做「新男神偶像」,話佢似「正氣版龍心」喎!


喺片中所見(56分-60分),立法會議員楊岳橋監察緊多位警察搜灣仔阿叔身。灣仔阿叔毫無畏懼,反而一再咁質問在場咁多警察:「你哋侵犯香港人嘅自由」、「惡過城管」、「有冇宣誓過保護香港市民」、「你哋係咪香港人,著住制服都係香港人」。最令網民佩服嘅,一定係當警察俾佢霸氣震攝之後,開始退走,但灣仔阿叔依然窮追不捨,繼續質問佢哋嘅職業倫理、道德操守。



其實,灣仔阿叔早就喺五年前旺角「鳩嗚」嘅警民衝突,已經一戰成名,一樣中氣十足咁以理服警,一句粗口都無,真係比起紀律部隊都更加自律,更加正氣。「你係咪香港人?」呢一句,相信都係香港示威者最想問警察嘅問題。


延伸閱讀►


片/依從指引使用武力?國際特赦組織:香港警察違反國際人權法!

示威者怕「被消失」 反送中抗議祭6招自保

反送中/200萬人上街破紀錄 民陣提5大訴求:不回應不罷休!

x

訂閱DailyView網路溫度計(香港版)電子報