片/生子當如馬車?何君堯同劉馬車fd過夾band?

6月30號,建制派立法會議員何君堯喺香港金鐘添馬公園發起咗「撐警遊行」,話要支持香港警察執法,維護治安。遊行集會都係平常事,但又點估得到,劉馬車都出席現場,引起咗網民熱烈嘅討論。

image source:劉馬車YouTube影片截圖

文:積遜猿

網路紅人劉馬車呢排頻頻出現,繼上次出席香港「警察同盟會」喺6月13日舉辦晚宴,發表撐警言論,已經引起咗好多爭議。點解呢?因為劉馬車嘅身份相當特殊……


劉馬車唔止係Youtuber,影片嘅主題相當出格,仲成日俾官方封埋Channel,不過佢作為網路紅人,緊係好快開返重出江湖,絕對唔會輕言放棄。除咗咁樣,劉馬車嘅言行都備受注目,只要Google吓佢嘅事跡,會發現佢成日犯法,係警察嘅敵人,理論上呢,唔會係朋友囉。



佢屢涉刑事恐嚇,喺深圳涉猥褻兒童罪成入獄,今年1月喺天水圍跳舞果陣俾人恥笑,之後郁手打人,3月仲喺香港涉嫌非禮13歲女童被捕,到今時今日都仲係待罪之身,等緊喺8月5日答辯。


背景咁樣,難怪網民會話:「估唔到警察會請個咁嘅人!」「請個非禮犯返嚟撐警,真係蛇鼠一窩!」「今次真係關公災難囉。」



劉馬車喺佢嘅新Youtube channel,發佈咗一段新嘅影片,叫做「【撐警大行動】何君堯大讚馬車:馬車係香港真英雄,生子當如劉馬車!」咁型嘅標題,緊係即時俾人放上咗各大社交媒體喇!


不過呢,影片入面雖然有影到劉馬車同何君堯企埋一齊,睇落好fd咁,但何生並無講到影片標題嘅句子,劉生似乎有誤導讀者之嫌啵!However,建制派擁護者劉馬車深受佢哋歡迎,會有咁嘅評價,都好正常嘅。


延伸閱讀►


片/前罪犯同香港警察合作?劉馬車出席警察同盟會!

片/灣仔阿叔串爆警察?霸氣哥再現「反送中」示威!

片/衝擊立法會啱定錯?背後嘅原因你又聽過未聽過?

x

訂閱DailyView網路溫度計(香港版)電子報