片/港台大不同!「$3撐蘋果」喺台灣俾網民狂負皮!

2019-07-04

1675Views

蘋果日報喺香港同台灣都分別有做新聞,而最近香港有「$3撐蘋果」嘅收費計劃,而台灣都有一個相應「10元挺蘋果」嘅計劃。蘋果日報喺依兩日,分別喺香港同台灣嘅Facebook page到出post宣傳,同一個計劃嘅宣傳post,但底下留言就截然相反。

Image source:Facebook:香港蘋果日報影片截圖

文/偉文

由7月4號開始到9月1號,香港市民要睇晒蘋果日報嘅新聞,就要畀3蚊升級「壹會員」;而台灣亦都係喺同一段時間,有同一樣嘅計劃,要睇晒台灣蘋果嘅新聞,就要俾10蚊台幣(約2個半港紙)升級會員。喺7月4號之前嘅兩日,香港同台灣嘅Facebook page都開咗post宣傳。

香港依邊就好多人支持,好似個個都課金撐蘋果。以下引幾句網民嘅留言:

「金已課,之後收正價都會繼續支持」

「課咗金, $30, $60, $100 都支持, Mr Lai, thank you very much for voicing for us.」

「撐起蘋果!感謝前線新聞記者!感謝蘋果真實報導!原意一直支持蘋果!年年月月日日繼續自費買蘋果報!也原意每月3元撐蘋果!」


而台灣嗰邊就負皮好多,網民起勢咁嘲諷。依到引幾句網民留言睇睇:

「我還是丟許願池比較有意義!」

「我懷念沒有蘋果的時代報紙裡不會充滿色腥嬗不會只有聳動的標題內文卻只有道聽塗說」

「唷...所以反紅媒活動,是為了讓蘋果賺錢啊!懂了」



淨係睇兩邊網民嘅留言,真係港台大不同!而且真係好多post留言先係最好睇!唔知你又點睇「$3撐蘋果」依單嘢呢?



延伸閱讀►►►


片/「$3撐蘋果」無負皮!咁點解當年Bomba收8蚊俾人話?

「逃犯條例」大數據!社群最具影響力嘅KOL領袖竟然係佢?

片/生子當如馬車?何君堯同劉馬車fd過夾band?

x

訂閱DailyView網路溫度計(香港版)電子報