片/蔣麗芸要連繫外國勢力?民建聯神盾局,We-connect

香港「反送中」逃犯條例事件,由6月9號至今一個幾月,社會運動都依然相當熱烈,引起各界紛爭、衝突,不過係好多負面情況入面,都有好多笑料,俾香港人可以苦中作樂。

Image source:FB蔣麗芸議員

文/積遜猿

香港民主建港協進聯盟,議員蔣麗芸喺2012當選香港立法會議員(九龍西)至今,一直都好有個人風格,言論相當出位,向來吸引咗唔少網民留意、討論。

Image source:網路流傳

就喺7月16號,網上流傳咗一張圖片,網民向蔣麗芸舉報有外國勢力「神盾局」入侵香港,仲發埋美國隊長個盾,話喺7月14號嘅沙田區發現咗呢個盾,擔心之後蝙蝠俠、水行俠、變種特工同神奇四俠會搞亂香港。

Image source:網路流傳

呢單睇落咁好笑嘅要求,普通嘅議員九成九都唔會理。但蔣麗芸竟然就咁回應:「請聯絡神盾局呀!」當網民解釋自己人微言輕,要請蔣麗芸幫幫手,最好開埋記者招待會咁話。玩膠玩到咁明顯,點估到蔣麗芸仲會問埋:「可否提供神盾地址?」好似真係想搵神盾局傾傾咁喎。

雖然大家都知蔣麗芸FB Page一定係小編管理,但蔣麗芸以往嘅言行都好特別,仲俾網民改佢花名做「元秋」,連前立法會主席曾鈺成都建議過蔣議員「少講一啲無用嘅說話」。

連登網民「一緊張就變羊」就話:「已經無人阻止到蔣麗芸發功」,網民「軒軒掛於月前訴」都講:「佢真係膠唔係扮㗎喎」。網民「okay」仲建議蔣議員:「可以打999問到神盾局資料架」,認真搞鬼。

難怪咁多網民都會覺得,如果係蔣麗芸嘅話,可能真係打算搵神盾局傾傾噃。唔知蔣麗芸會唔會真係搵到美國隊長呢?

延伸閱讀►

網民力讚都要刪Post?吉野家瞬間被狂插

片/邊個係廢青?佔領立法會HKU義士露面受訪

片/反送中嘅網路影響:Telegram喺香港到底仲安唔安全?

x

訂閱DailyView網路溫度計(香港版)電子報