片/100毛東方昇扮警察!神似造型演技點樣引起網民熱議?

2019-07-26

5385Views

《100毛》「毛記電視」近年最紅嘅演員,一定非「東方昇」莫屬喇!東方昇,本名王嘉偉,佢做節目走諧星路線,惡搞、抽水、曲到圓嘅演繹,已經可謂成為網路界搞笑無厘頭嘅第一把交椅。其中,東方昇最廣受網民熱受嘅節目,就係《國家級任務》。

Image source:YouTube:毛記電視

文/積遜猿

東方昇主持,「毛記電視」嘅《國家級任務》向來相當幽默,集集都會同中國大陸扯上關係,抽水咁令大家更加了解國家偉大嘅一面。好似之前極受歡迎嘅一集,「潮爆東門」咁,東方昇去咗中國潮流時裝品牌集中地深圳「東門」Shopping。話係潮牌,不過唔係正版,全部都係大陸翻版嘅偽名牌,包括有「美國紐百倫國際」、「英國紐百倫(援權)」同「新百倫領跑NEWBAILUNLP」等,東方昇入去購物,緊係相當好笑喇!

7月25號最新一集嘅《國家級任務》「最乖拍檔」,推出無耐已經引起網民熱議,原因無他嘅,就係貼近時事,講7月21號元朗白衫人「無差別毆打市民」恐怖襲擊事件,抽吓警方疑似同黑社會合作嘅水。片中可見,東方昇以光頭示人,身穿白襯衫,網民非常有摩擦力咁指出,佢嘅樣咪同警方八鄉分區指揮官李漢民九成九相似?早前李漢民喺網上瘋傳嘅影片入面,見到佢向白衫人致謝,對佢哋嘅幫忙講「心領」。

網民見到咁多疑似警察同黑社會合作嘅影片,緊係嬲到核爆喇!咁呢次《國家級任務》「最乖拍檔」食正呢條水,東方昇造型同李漢民造型神似,入面扮警察講嘢口吻嘅演技都相當精湛,加上藍光扮警車閃燈真係神來之筆,令人笑到腸都跌埋出嚟。

Image source:IG:wong_kar_wai

好多網民仲力讚東方昇將許冠傑《最佳拍檔》嘅改詞,唱出香港人對近日警察嘅質疑:「我名叫黑警,最鍾意黑幫,最乖拍檔」、「記者你都打,血流滿大堂,隨地揼人清新開朗」、「有乜搵消防,阿叔我好忙,轉身走開都無相干」同「We connect Hong Kong,police and 黑幫,最乖拍檔」,入肉三分認真抵死。

我哋一齊睇睇網民點樣講:

「好好笑,但好悲哀,警黑合作可恥,5大訴求,缺一不可。」

「好正,loop 左十次,開頭扮李蛇最神似。」

「似到呢!電筒照玻璃紙效果好正! 創意無限!」


延伸閱讀►►►


點解返H&M都要戴頭盔?網民發起全民頭盔月!

片/達朝滅亡已成真?達哥用「引戰狗」形容網民嘅批評

片/612「反送中」示威者頭部中槍流血!視力受損卻投訴無門?

x

訂閱DailyView網路溫度計(香港版)電子報