片/梁天琦係「反送中」抗爭精神?〈梁天琦致香港人〉你睇咗未?

2019-07-30

3281Views

香港本土派人士梁天琦,喺2018年6月被香港高等法院裁定佢於亞皆老街嘅「襲警罪」同「參與暴動罪」成立,判處6年有期徒刑。現正喺獄中服刑嘅梁天琦,喺尋日(7月29日)透過Facebook page發佈一篇叫〈梁天琦致香港人〉,引起網民廣泛討論、反思。

Image source:Facebook:梁天琦Edward Leung

文/偉文

梁天琦,今年28歲,畢業於香港大學文學院哲學系,主修哲學,副修政治及公共行政。佢聲明自己係「忠誠於香港」嘅本土派人士,政治理念亦係主張推動香港本土運動,並長年積極參與社會運動。喺2016年2月,佢因為參與旺角騷亂遭到逮捕,並喺2018年6月被香港高等法院裁定「襲警罪」同「參與暴動罪」成立,判處6年有期徒刑。


梁天琦嘅政治理念符合香港年輕人對「本土意識」、「香港主體」嘅追求,所以一直都備受年輕人認同。2016年佢參選口號「光復香港,時代革命」,更成為香港最近社會運動嘅主要口號,同時亦隨著「反送中」嘅示威行動持續,愈嚟愈人了解、認同到梁天琦嘅政治理念,從而推崇、捍衛佢嘅精神,並且稱梁天琦做「英雄」。


一套梁天琦為主角嘅記錄片《地厚天高》,一首佢翻唱Beyond嘅〈十八〉,廣受流傳、討論。網民紛紛留言話「天琦行得太前」、「香港人負咗天琦」、「致我的英雄」……





當「反送中」運動到進行到依家,梁天琦一句「光復香港,時代革命」被廣泛使用,有網民話梁天琦嘅理念終於「遍地開花」,香港終於有救。但當政府未能回應、處理市民訴求,示威行動持續進行,令到社會上各界市民亦因為政治立場而撕裂,警民關係因為衝突而對立,香港人普遍情緒低落,更有唔少人因為「反送中」而輕生。


喺咁嘅情況下,梁天琦喺尋日(7月29日)透過Facebook page發佈一篇叫〈梁天琦致香港人〉,講出咗對依場運動嘅睇法。


梁天琦:「但願我這封信不會來得太遲」,好多網民都覺得梁天琦依封信唔會太遲,反而紓解咗訴求未能獲得回應嘅無力感。更加有唔少網民藉梁天琦依封信,去分析、反思依場運動嘅後續要點做。就好似網民「IK」就喺連登(LIHKG討論區)開咗個post,叫〈[嘗試]梁天琦信的解讀與提醒〉,分析、整理咗幾點天琦畀大家嘅建議:

1. 不要被仇恨支配、不斷思考、保持警醒

2 民意嘅重要、爭取更多嘅支持

3 警惕言行、朝住目標走

4 珍惜、保護自己嘅生命、不作無謂犧牲


網民「IK」最後引天琦信入面一句說話:「當本應解決社會問題的人選擇冷待,反而熱衷於將香港的命運放上賭桌作政治豪賭,我們需要的,不是以自己寶貴的生命和他們對賭,而是在苦難中煉成堅毅與盼望。」再講話:「無論如何,大家都要加油,我地一齊繼續守護香港,保護我地嘅家」


梁天琦成為一種精神,對於好多人嚟講,佢就係「英雄」;而喺佢成為「英雄」之前,其實他更先係一個「香港人」,一個「保護香港」嘅「香港人」。


延伸閱讀►►►


網民話警察「靠嚇」,IFC、711職員唔畀警員進入合情合理?

「王先生」投訴警察「九唔搭八」唔識中文,言辭搞鬼網民狂笑

片/100毛東方昇扮警察!神似造型演技點樣引起網民熱議?

x

訂閱DailyView網路溫度計(香港版)電子報