片/蕭若元今次唔燈,教你向藍絲講「警察係咪過度使用武力?」

著名嘅資深傳媒工作者蕭若元,習慣喺Youtube到upload影片,其中有個叫做〈蕭若元:理論蕭析〉嘅系列,專門同網民分享佢個人對時事嘅講解同分析,同不時引起網民討論。而喺尋日(7月29日)〈蕭若元:理論蕭析〉嘅內容,就提及點向藍絲講解「警察係咪過度使用武力?」依個問題。

Image source:Youtube:memehongkong影片截圖

文/偉文

蕭若元,著名香港資深傳媒工作者,同時係編劇、主持人、政治評論員同埋生意人,亦都係香港有名嘅「才子」。無論支持佢定反對佢嘅人,普遍都認為佢學識淵博,講嘢有紋有路,唔怪得佢「齋talk」嘅片喺Youtube到都咁多人。

Image source:Youtube:memehongkong頁面截圖


而喺香港「反送中」嘅社會運動、示威開始至今,每逢有示威行動、警民衝突,「蕭若元」依個名詞喺網路上嘅討論度就會上升。點解咁有趣?事關蕭若元自2014年起,多次對時事發展嘅預測都係錯嘅,所以就俾網民封做「燈神」。所以每逢蕭若元對時事進行後續預測嗰時,都係備受網民關注,並且會引起網民起哄。


image source:《KEYPO大數據關鍵引擎》(分析期間:2019/05/02-2019/07/28) 


蕭若元嘅預測被網民戲稱係「燈神」,每當蕭若元嘅預測係同網民預期相反,網民就會紛紛留言「多謝燒山」;但如果預測係同網民所期望嘅一樣,就會話「燒山又燈」、「燒山燈吓對家啦」等等。我哋留意返蕭生喺7月15日同7月22日前後都出咗片,其中一條係佢預測7月21日起警察不會使用布袋彈及橡膠子彈鎮壓示威,但結果又真係出咗,網民當然嬲嬲豬!

Image source:網路流傳圖片


喺尋日(7月29日)〈蕭若元:理論蕭析〉到,蕭若元就唔預測喇,反而係教網民點向藍絲講解「警察係咪過度使用武力」依個問題。今次唔係「燒山燈人」,而係有嘢學吓,一齊嚟睇吓佢講咗D咩:


蕭若元話佢睇晒黃藍兩邊嘅片,可以作出比較同分析。有網民就話,蕭若元前面講嘅都係D「行嘢」,不過真係幫到解答藍絲成日講𠴱句:「差佬唔係人?佢受攻擊有時都會發脾氣㗎啦!

 

蕭若元主要係講出警察同示威者係唔同,又話「一個中學考得好差嘅人都可以做警察」,如果佢出街嗰到就萬四蚊人工,做警察就二萬八千蚊,因為係「紀律部隊」嚟。網民就話蕭若元有一句好有point:「咩叫紀律部隊啊?紀律部隊係包括你嘅情商要能夠控制你自己喎!因為點解啊?佢有槍㗎嘛,如果人哋鬧你兩句老X你開槍去射人點算啊?依個係紀律部隊一部份代價嚟㗎。


好多網民留言話蕭生講得有道理,話依家警察會喺執勤嘅時候講粗口、「撩隻抽」、舉中指,仲有好多報復式、過度嘅武力行為,一D都冇紀律部隊嘅專業。又有網民話好認同蕭生點出嘅一點,就係使用武力嘅示威者會俾人拉同被拘捕㗎;但警方明確濫權係冇俾人拉,係「合法地」同「明目張膽地」使用過份暴力。

 

其實好似蕭生話齋,資訊要接收兩邊嘅,係要公平D比較後,再去分對錯同是非嘅。蕭生今次唔「燈人」,唔知咁教路又幫唔幫到你呢?



延伸閱讀►►►


片/梁天琦係「反送中」抗爭精神?〈梁天琦致香港人〉你睇咗未?

網民話警察「靠嚇」,IFC、711職員唔畀警員進入合情合理?

「王先生」投訴警察「九唔搭八」唔識中文,言辭搞鬼網民狂笑




x

訂閱DailyView網路溫度計(香港版)電子報