片/方皓玟、RubberBand七月新歌,願港人甦醒

香港近嚟風吹雨打,社會動盪,好多香港人見到咁多流血衝突,咁多不公義嘅事件,都坐唔安,訓唔落,認真負能量爆燈。呢個時候,最好緊係聽聽歌放鬆吓自己,俾少少正能量自己,咁先可以Keep going行落去。方皓玟、RubberBand七月新歌,你又聽咗未?

Image source:YouTube:RubberBand截圖

文/積遜猿

方皓玟喺1999年出道至今,一直都係備受歡迎嘅新生代女歌手,其中《你是你本身的傳奇》同《假使世界原來不像你預期》,唱出咗好多香港人嘅心聲。《你是你本身的傳奇》就係針對香港打工仔嘅苦況,「只要相信夢,定能飛」,為大家打打氣,只要堅持落去總有一日可以活出傳奇;《假使世界原來不像你預期》則講世界再醜陋,社會再不公,「當一切完全不像你預期,才明白不可心死,沿路再走幾千公里,要做最好的你」,要做好自己!

香港「反送中」社會運動發生咗咁多事,方皓玟亦都喺7月23號上傳新歌《願》,歌詞同MV都相當有深意。MV用一堆黑衣人同白衣人做對比,大家雙眼都俾布條縛住咗,各自盲目前進,各自張口作聲。直到有一位黑衣人倒地,其他黑衣人開始聚集,除低布條,仲去幫其他白衣人除低埋布條。配合埋歌詞嘅「明日縱使跌低,寧願抗爭到底」、「願世間都擺低對罵戰和偏見,願你聽取心聲與異見」、「用愛緊抱自由,願覺醒再無內鬥,願你終於清醒,有沒有」等,都係表達希望紛爭早日完結嘅願望。MV最後仲引用埋村上春樹名句:「在高大堅硬的牆和雞蛋之間,我永遠站在雞蛋那方。」

一齊睇睇網民點睇?

「白衣者解開佢哋佢眼上的布,為他們看清楚真實的事實,令他們醒覺!」

「我18歲人最大的心願是香港再無內鬥,再無分裂,一直很希望可以回到5月的香港。」

「睇到黑衫人嘅口型似係講緊『撤回』……」

香港知名嘅獨立樂團RubberBand,一向都有以社會議題寫歌,好似《孤島人》咁,佢哋喺7月30號出咗新歌《¿醒未?》。《¿醒未?》係RubberBand遠喺日本拍嘅MV,內容係講佢哋訓緊都唔願醒,甚至係裝睡嘅人,點都叫唔醒嘅情況。歌詞呢,就不斷叫人Wake up喎,「Wake Up Everyone Wake Up,迎面一束光,太熱血捉緊了嗎」、「外面烈日正在鳴放,走出去,找找,新的烏托邦」、「很多空間任意的闖,不必怕,甦醒,不懂適應光」等。如果配合埋近日香港人為烏托邦抗爭,真係相當Fit喇!

一齊睇睇網民點睇?

「香港人,你地又醒左未?」

「香港BAND界清泉,呢個時候仲敢出咁政治敏感嘅歌,決定買晒佢哋一直以嚟嘅CD。」

「香港人,不必怕,甦醒後不適應光❣️🎗一齊走下去。」


延伸閱讀►►►


片/毆鬥傷人,警察走人!《紐約時報》談721香港元朗黑夜

片/蕭若元今次唔燈,教你向藍絲講「警察係咪過度使用武力?」

片/梁天琦係「反送中」抗爭精神?〈梁天琦致香港人〉你睇咗未?

x

訂閱DailyView網路溫度計(香港版)電子報