片/警察致國泰航空嘅公開信!杜汶澤、梁振英亂入留言講咩?

香港7月28號喺上環發生咗警民衝突,警方當場拘捕咗49人,其中44人被控以暴動罪,其中仲包括咗一名30歲國泰航空公司嘅機師。該名機師因為身分相對其他示威者特殊,備受各界關注、討論。其中,就有一封警察寫俾國泰航空嘅公開信,引嚟過萬網民熱議。

Image source: FB:杜汶澤 喱騷 Chapman To’s late show

文/積遜猿

8月1號,香港旅遊業僱員總會、香港專業導遊總工會同香港外遊領隊協會,喺晏畫去咗太古集團請願,要求喺被控暴動罪機師嘅保釋期間,停止佢駕駛所有航班喎。佢哋嘅理由係話,如果機師參與暴動,佢嘅心理同判斷都好不智,無論佢有冇定罪,都唔適宜現階段揸飛機。

同日,網民‎Alex Tong‎寫咗封公開信俾國泰航空,喺國泰嘅FB Page引起好多迴響。喺呢封信當中,‎Alex Tong‎首先自稱自己係一位警察,佢就強調「如該機司知道我的職業是警察,且我又剛巧乘坐他駕駛的飛機,面對一個這麼仇警的飛機司,我會覺得自己人身安全好危險,並且完全沒有信心得到公平的看待!」佢亦都指控該位機師係一位「失控情緒的飛機司」,希望國泰可以正視呢個問題。

佢喺封最後,再次講:「如該機司知道我的職業是警察,且乘坐他駕駛的飛機,面對一個這麼仇警的飛機司,我完全沒有信心得到公平的看待!」同時話「email will cc to 民航處處長及各大媒體」,真係點都要得到一個回覆咁喎。呢個Post至今已經有好多讚好、哈哈、嬲嬲,加埋成1.7萬人關注,仲有1.7萬個回應,認真大迴響。

Image source:Cathay Pacific 國泰航空

咁多個留言之中,最特別嘅人,非前任香港特別行政區行政長官,現任全國政協副主席嘅梁振英莫屬喇!梁生自從退任特首,一直都活躍喺FB,唔少網民日日都留意佢出咩Post。今次佢留言:「我是diamond, 我也担心!」即時引起網民回應,話佢「日日毒喺屋企玩facebook」,「咁驚就唔好搭!少你一個DM又如何?」,「坐洗頭艇仲啱你」,俾大批網民圍剿。

Image source:Cathay Pacific 國泰航空

另一個留言相當搞笑,就係藝人杜汶澤,一連留咗N咁多個「師呀」,實行捉‎Alex Tong嘅錯字。睇嚟好多網民都睇唔慣錯字,仲喺下面捉埋一份,N個「sir呀」。網民就講:「毅進仔呀,咪咁高要求啦,毅進仔係讀唔成書讀個毅進當自己有五科合格」,「我都想同佢改錯字⋯⋯文盲」,「香港警察中英都係得level2,係咁上下架啦」,大家都好認同杜生咁喎!

下面仲有網民Sylvia Lai學‎Alex Tong寫公開信留言,都有成七百幾個讚,一齊睇睇喇:

「如果你是一名正式被錄用而又接受過專業訓練的警察,很應該知道任何人被定罪前都是無辜的,有關機師是否涉及控罪/仇警,抑或當中牽涉不正當起訴的隱情,目前仍是未知之數,有待調查及審理。

警員先生若是害怕市民仇警情緒,建議閣下及同袍避免再於行動中濫用警暴(當然亦包括此等網上欺凌暴力問題),方能針對問題癥結改善解決,重拾市民對警隊的信心。

有交差餉的國泰乘客上」


延伸閱讀►►►


片/香港少年冰球代表隊俾深圳隊毆打?網民起哄話做咩唔還拖!

片/解放軍恐嚇港人後果自負?網民狂笑片中英文字幕嘅秘密

片/方皓玟、RubberBand七月新歌,願港人甦醒

x

訂閱DailyView網路溫度計(香港版)電子報