片/警員強行抬走少女導致走光,市民怒斥「蝦女仔」!

香港因為「反送中」而開始嘅社會運動愈演愈烈,持續近兩個月嘅示威活動近日添有一個新角色──「街坊」。每當防暴警察出現喺市民生活區域嗰陣,就會有一班冇任何gear,身穿「街坊look」嘅居民會落街驅趕警察,防止警員進入居民生活圈。而喺尋日(8月4日),一名天水圍少女街坊,俾一班防暴警察強行抬走,期間令到少女持續走光,引起市民憤怒。

image source:立場新聞直播截圖

文/偉文

尋日(8月4日)夜晚十點左右,天水圍警署就俾示威者、街坊包圍,警方喺稍後亦出動防暴警察清場,其中有一位少女街坊被一大批警員強行抬走、拘捕返警署嘅時候,一度持續走光,令到少女唔單止底褲外露於人前,仲疑似俾人拉低咗。

image source:網路流傳圖片(取自「LIHKG」討論區)

image source:網路流傳圖片(取自「LIHKG」討論區)

由以上嘅相片同影片中可以見到,十幾位防暴警察好大陣仗咁抬走一位少女,期間少女走晒光,又不斷尖叫。現場市民同網民見到就相當憤怒,紛紛留言指責警方處理不當,認為咁樣嘅執法行為簡直係「無恥」,係「唔尊重女性」。

但其後警察公共關係科喺會見記者時,就話係因為被捕少女著裙,加上佢被捕時「掙扎」係「激烈」㗎,所以先「可能就有你哋喺鏡頭面前出現嘅嘢」。

市民相當唔滿意警方嘅解釋,唔單止喺網上留言譴責,仲發起實質行動去聲援被捕少女,實行「煲大件事」去幫個女仔。而當事人就喺今朝就開咗post報平安,多謝眾多位關心佢嘅巴絲打之餘,仲形容咗被捕時嘅第一身感受。

原來少女著裙係因為「連續夢遊左幾日無晒長褲著」先著裙出嚟,話搞到走晒光損害各位眼睛好唔好意思。而有關於警員有冇喺拘捕佢期間拉低埋佢嘅底褲嘅問題,佢就話「因為當時實在太混亂連本人都fact check唔到」。咁到底拘捕場面有幾混亂呢?以下就節錄咗幾句當事人嘅形容出嚟畀大家睇吓:

當時係一堆男防暴禁實左我
亦聽到無限句「臭X」「X婆」「啱啱X得好X開心啦」
同時亦被強行除口罩、甩左頂cap帽
我叫左好多聲「女警」「記者」
然後就被一堆防暴叫我「嗌乜X野」再加上扯我頭髮
有男防暴大叫「女警」
但班防暴包到咁樣係咪真係女我唔X知

我無辦法企起身就被拖行近一條馬路
期間不停大叫「我條裙呀」
直到過左馬路先有女警接手
我講左好多次「我起身行」先批准俾我企起身行
入狗屋好窄嘅門口時亦將我推跌落地
有at least 5隻狗禁低我有男有女

一個女仔面對咁嘅情況,事後好堅強咁話自己「心臟比較強大」,亦「無流一滴眼淚」、「無情緒激動」。佢好感激見到一班素未謀面嘅網民比佢本人更憤怒、激動,但件事對佢嚟講冇咩大不了,反而係「見勇武手足受傷被捕」同埋「烈士犧牲自己生命死諫」,先令佢最傷最痛。所以佢呼籲大家要「盡量保持冷靜唔好衝動」,同埋要「珍惜自己寶貴生命」,等到咗成功嘅一日,大家「除低口罩相見」,再畀個free hug佢咁話。


根據社區法網,當警方有相當理由相信,任何地方經已進行 / 正在進行 / 即將進行非法集會或暴亂,以及有人曾使用 / 可能使用武器,警方可以在鄰近現場的任何公眾地方截停及搜查任何人士,以確定該人是否干犯相關罪行(《公安條例》(第245章)第33(6)條)。

警務人員不可以向異性進行搜身。 如要向一位女性搜身,而當時沒有女警在場,該女子便應被帶到最就近的警署,由女警為她進行搜身。


延伸閱讀►►►


香港三罷!機場員工集體病假2百航班取消 林鄭轟:推港上不歸路

片/《鏗鏘說》係咩節目嚟?《鏗鏘集》風波引起網民力撐

片/警察致國泰航空嘅公開信!杜汶澤、梁振英亂入留言講咩?


x

訂閱DailyView網路溫度計(香港版)電子報