片/「街坊」係社運嘅新角色?點解冇gear都可以咁「勇武」?

近日香港嘅社會運動、示威持續進行,更甚走入住宅地區,令到一眾「街坊」出現喺社會運動當中。佢哋冇gear,著住居家服裝,有D仲係踢住對拖鞋,一身「街坊look」,但係有網民就話佢哋勁「勇武」。到底依班街坊有咩咁勁呢?

image source:Facebook:Stand News 立場新聞影片截圖

文/偉文

自6月9日開始,香港嘅「反送中」社會運動持續,各種唔同嘅示威活動不斷進行。而喺七月頭開始,依場運動多咗一個新角色,就係「街坊」。好多時係因為住嘅地方發生示威者同警員嘅衝突,佢哋就落街睇吓咩事。

就好似依段影片被訪問嘅伯伯咁,身穿「街坊look」,身邊嘅人都係隔離鄰舍,知道樓下有事發生,所以就落樓睇睇。


而根據《KEYPO大數據關鍵引擎》就網路大數據嘅統計、分析,我哋可以見到由7月開始,每逢社會發生有關示威嘅大事、活動,「街坊」依個關鍵詞嘅網路聲量就會好高。

image source:《KEYPO大數據關鍵引擎》(分析期間:2019/06/08-2019/08/06)


就好似係7月7日,九龍區大遊行;7月14日,沙田「反送中」送行;7月21號「元朗白衣人無差別攻擊市民事件;7月28日中環遮打花園集會;8月4日,將軍澳「反送中」大遊行;8月5日,「三罷」同「七區集會」活動等等嘅行動之後,「街坊」依個關鍵詞喺網路上都係被廣泛討論、使用㗎。

亦根據《KEYPO大數據關鍵引擎》就網路大數據嘅統計、分析出嘅「文字雲」,可以知道網路上有關「街坊」嘅關鍵字。而其中有幾個地區嘅「街坊」尤其多人講,分別係黃大仙、沙田、天水圍同埋將軍澳。

image source:《KEYPO大數據關鍵引擎》(分析期間:2019/06/08-2019/08/06)


依幾個地方嘅街坊有咩咁值得討論?睇吓網上流傳嘅熱門影片,應該可以略知一二。但由於太多相關影片,所以就只係揀咗最廣為流傳、熱門嘅片段畀大家睇吓。


▲黃大仙街坊趕警員走。(請注意,內有大量粗口。)


▲沙田街坊喝罵防暴警察,警員喺徹退期間亦有同街坊對罵。(請注意,內有大量粗口。)


▲天水圍街坊指責警員,亦大叫「收隊」。(請注意,內有大量粗口。)


▲將軍澳有街坊被警員扑穿頭後,大批將軍澳街坊到場聲援。


由網上多條廣為流傳嘅影片可以見到,身穿休閒、居家服裝嘅街坊,都係以保護居住地方嘅姿態喝退警員,內容亦多指責警員使用過份武力、暴力對待市民。

點解街坊會咁樣對待警員嘅呢?尤其係一D充滿「藍絲」,亦係「保皇黨」堅定票源嘅地區,點解都會有咁多街坊出嚟指罵、驅趕警員呢?《頭條新聞》兩個主持人,吳志森同曾志豪就有咁嘅分析,大家嚟聽吓。




街坊嘅表現就係好直接嘅「民心」,當市民喺屋企附近都可以食到催淚彈、俾人扑頭,真係唔怪得D街坊著住「街坊look」,都夠膽企喺full gear口嘅警員對面。

原來,政治真係無所不在,你唔想接觸政治,佢都會冇啦啦埋到你身。


延伸閱讀►►►


片/網民指責示威者打人毀車,但原來事實係司機想撞人在先?

怪錯香港一芳!網民重申「不分化」、「不割蓆」!

女警一夜之間多粒花,網民話:「升咁快,打機咩?」


x

訂閱DailyView網路溫度計(香港版)電子報