特朗普瘋狂關注香港抗爭!原來背後有咁多深意?

自香港6月「反送中」逃犯修例事件至今,香港抗爭者已經一次又一次咁得到國際媒體嘅關注,上過《時代》雜誌封面,喺各國登過報紙。而其中香港抗爭者亦都唔止一次發起白宮聯署,希望美國可以協助香港嘅抗爭者,令對抗政府嘅力量再多一分,能夠有更多國際壓力。估唔到,美國總統特朗普(Donald Trump)喺8月14號連發兩個tweets提到香港喎……

Image source:IG:realdonaldtrump

文/積遜猿

美國總統特朗普(Donald Trump)喺國際極具影響力嘅人物,一言一行都備受關注。喺網路社群嘅年代,佢都相當善用社群媒體,甚至有人形容佢係用Twitter議政,特朗普嘅每條tweets都不容忽視。

正當香港「反送中」抗爭如火如荼,係中美貿易戰之間成為咗一個難以控制嘅變數。好多香港抗爭者都發起白宮聯署,甚至喺抗爭期間舉起美國國旗,只係為咗美國最高領導人可以留意香港嘅情況。正喺呢個時候,特朗普喺8月14日發咗兩條tweets,都指名道姓咁提及Hong Kong,當中嘅內容即時引起網民熱議。

Image source:FB:堅離地城:沈旭暉國際生活台 Simon's Glos World

佢第一條tweet主要係講中國而家面臨經濟困境,喺中美貿易戰之中想同美國make a deal,但特朗普就叫中國人道咁解決咗香港問題先(Let them work humanely with Hong Kong first)。而第二條tweet就話,自己同中國總書記習近平好熟,力讚佢份人好好,中國人好尊敬習近平,仲好強調話「絕對唔懷疑」(ZERO doubt)習近平可以快速同人道咁解決香港問題。

Image source:FB:堅離地城:沈旭暉國際生活台 Simon's Glos World

香港知名國際關係學者沈旭暉,就喺FB出Post分析呢兩個tweets:「在中美貿易戰談判,把香港放進去可以純粹symbolic,但也可以觸及最核心問題,就是是否容許香港在未來中美貿易戰扮演buffer的緩衝角色。這角色其實對中美雙方都有好處,也保障了香港的國際地位,而不用觸及任何體制,屬於雙方默契。北京是否接受,只是一念之間。」最後佢都呼籲大家提高警惕,因為香港抗爭隨時影響到中美大局。

我哋一齊睇睇網民點睇呢件事喇:

「利用香港幫美國攞着數啫,唔好唔記得侵侵係生意佬,不過我支持!」

「香港正式從亞洲國際城市,正式升級為頂級國際城市!中美貿易戰,決戰『紫荊』之巔?」

「即係唔人道就唔係 great leader。習帝會受侵侵劃下的圓裡面行動?肯定不會吧。」


延伸閱讀►►►


片/到底《香港01》黃定藍?網民對于品海01觀點反應兩極!

片/眼部中槍女子傳失明,全城震怒入機場!

片/【鐳射筆之晚】年輕人展露笑容,網民話睇到好心酸!

x

訂閱DailyView網路溫度計(香港版)電子報