片/到到都有「臥底」?中港各有暗號分辨「自己人」?

香港「反送中」運動持續發酵,除咗喺香港不斷嘅示威、抗議行動,最近連中國嘅媒體、人民都積極參與其中,而且普遍係同威者呈對立狀態。雙方喺多方面都有衝突,更疑似各自都有混入「臥底」,引到兩邊要用「口號」嚟分辨係咪自己人。

Image source:youtube:BBC News 中文影片截圖

文/偉文

香港「反送中」運動已經進行咗兩個幾月,事態已經演變到相當複雜嘅程度,最近更頻繁出現「臥底」,令到唔少網民話似足電影《無間道》咁。講笑係咁講,但事實上「臥底」令到各界人士都普遍感到焦慮、不安,「反送中」運動嘅焦點一時間變晒做「捉鬼」咁。

▲8月11日,警員喬裝成示威者。

▲8月13日,示威者在機場集會時懷疑一名男子冒認記者。


▲8月18日,有疑似係喬裝成示威者嘅人士進入警察總部。


有關於「反送中」嘅「臥底」事件唔止喺香港發生,連中國網路上都有疑似係支持示威者嘅「臥底」。有一個自稱係「中國北方人」嘅網民,喺微博到用簡體字出咗個post,內容係勸籲大家要「心平氣和,放下仇怨」,又問咗幾個疑似質疑中國當權者嘅問題,引起中國網民討論。

Image source:微博/每天喝一杯牛奶


其後就有人見到依個用戶自稱係「中國北方人」,就問佢一句有關於春晚小品嘅一個gag:「宮廷玉液酒」,但依位「中國北方人」就話自己唔識,就俾中國網民話係「境外特殊人士冒充失敗」喎。

Image source:微博/共青團中央


Image source:微博/共青團中央


用當地人先知嘅嚟做暗號呢,就唔係中國特有嘅,香港示威者都有提過要用暗號嚟「捉鬼」。就似「高登討論區」就話要模仿車臣戰爭,要問示威者本土問題,答唔出就好明顯係混入嚟嘅「臥底」、「鬼」喇!

Image source:「高登討論區」頁面截圖


除咗高登,「LIHKG」討論區(即係「連登」),都有一招有趣嘅方法,就係用廣東話「拼音」喇!喺2日前(8月17日),有網民就出咗個叫做「[8.18] TAI DUC MING NGO KONG MUD YEA GEH, YUP LAI」嘅post。唔知大家睇唔睇得明呢?


Image source:「LIHKG」討論區頁面截圖


其實個post嘅標題就係「[8.18]睇得明我講乜嘢嘅,入嚟」,內客大概就係講話如果懷疑有鬼,就拎張紙仔出嚟,寫一句廣東話拼音,問佢睇唔睇得明。


網民諗嘅嘢都幾有趣,但又有其他網民發表意見話唔好將焦點放喺「捉鬼」,唔好過份懷疑身邊同路人。重申係「不分化」、「不割蓆」,並且要記住依場社會運動嘅目的係「五大訴求」。


延伸閱讀►►►


無大台點樣抗爭?用大數據睇香港示威者點用手機be water

片/李嘉誠登頭版出聲,黃藍解讀大不同?網民驚覺係「藏尾詩」?

特朗普瘋狂關注香港抗爭!原來背後有咁多深意?


x

訂閱DailyView網路溫度計(香港版)電子報