片/疑似軍裝警察凌辱長者?閉路電視影到晒又打又除褲!

2019-08-20

1814Views

香港「反送中」運動持續咗兩個幾月,期間警民衝突不斷,社會普遍氛圍緊張。喺咁多次示威行動當中,愈嚟愈多影住警方驅散、拘捕示威者嘅片段流傳,當中部份畫面呈現警員行使激烈武力嘅情況,引起市民質疑警方武力行使嘅權力。同時,亦有好多傳閒指警方濫用暴力,更甚進行私刑;喺今日,民主黨立法會議員林卓廷召開記者會,播咗條片,內容係涉及軍裝警員凌辱長者。

Image source:Facebook:林卓廷LAM CHEUK TING影片截圖

文/偉文 

香港「反送中」事態持續演變,愈嚟愈多事情發生,同時愈嚟愈多問題出現,其中最廣受市民討論、指責嘅問題就係警方有冇濫暴濫捕,更甚行使私刑。

好多有關於警員行使私刑嘅傳聞喺網路上廣泛流傳,但普遍都係限於「吹水」階段,因為冇fact checked,又冇圖冇片冇真相。然而,今日(8月20日)10點半嘅時候,民主黨立法會議員林卓廷召開記者會,播咗內容涉及疑似香港軍裝警員凌辱長者嘅片段。


由片段可以見到,有兩名身穿香港軍裝警察制服,疑似係香港警察嘅人士,以不同手法對待一個已經被制伏且無法反抗嘅男子。

影片中,疑似警員嘅兩名人士多次拍打、拳擊一位躺臥身體嘅男子,又曾拉扯佢嘅上衣、以電筒近距離照射眼睛、拗手腕、掩蓋口鼻,更甚係除咗男子條褲,並疑似用警棍戳向男子下體。

影片一流出,引起網民熱議,紛紛留言話醫院都已經係咁,好難想像俾人拉返警局嘅人係會遭受咩待遇;又有人話,之前都唔係好信警察行使私刑致被捕人斷骨嘅傳聞,依家爆單咁大單嘅嘢出嚟,即刻信晒。

唔知等間4點鐘嘅警察記者會,會唔會就依單嘢對公眾交待呢?


延伸閱讀►►►


片/到到都有「臥底」?中港各有暗號分辨「自己人」?

無大台點樣抗爭?用大數據睇香港示威者點用手機be water

片/李嘉誠登頭版出聲,黃藍解讀大不同?網民驚覺係「藏尾詩」?


x

訂閱DailyView網路溫度計(香港版)電子報