片/水炮車定「漏水炮車」?市民車輛同香港街道被強制「變藍」?

香港「反送中」示威持續升級,警方驅散示威民眾嘅裝備亦隨之升級,近日出動咗俗稱「水炮車」嘅人群管理特別用途車,以應付更為激烈嘅示威行為。但喺水炮車展現佢強大管理人群嘅功能之前,有網民就已經出post表示,水炮車令到佢變「藍」。

Image source:Youtube:HK ON TV影片截圖

文/偉文

為咗應付持續嘅「反送中」運動,香港警察嘅裝備隨示威者行動升級而升級,最近開始出動俗稱「水炮車」嘅人群管理特別用途車,警方喺8月12日亦都有請排立法會議員同傳媒,去到粉嶺機動部隊總部睇水炮車示範。


水炮車除咗噴射威力強勁之外,仲可以發射顏色泡沫用嚟識別示威者,但今日就有網民開post指責,依種識別示威者嘅顏色染料未開始用嚟防暴,就已經搞到公眾好唔方便。

今日喺「LIHKG」討論區到,就有兩個抱怨「水炮車」嘅熱門post,仲打晒粗口咁。點解網民咁大怨氣?原來係「水炮車」疑似變成「漏水炮車」,搞到青衣一地藍,令到唔少揸車行過嘅市民一車藍。

Image source:網民態股成圖片(取自「LIHKG」討論區


Image source:網民「brown熊」圖片(取自「LIHKG」討論區


道路疑似因為「水炮車」顏色染料而染成藍色,網民留言稱讚圖片有美感。

Image source:網民「里查米勒」圖片(取自「LIHKG」討論區


開post嘅網民好嬲,佢話:「啲車行過fing X哂上車身」、「洗都洗唔X甩呀」,白色嘅車染到咁,好多人就留言建議要向警方、政府要求賠償。

▲▼網民車輛被疑似「水炮車」嘅顏色染料染成藍色。

Image source:網民態股成圖片(取自「LIHKG」討論區


遇到依d無妄之災,依位網民就梗係好嬲啦,見佢成個post都係粗口咁,不過一睇下面嘅留言,即刻畫風唔同晒。一班「連登仔」紛紛留言諷刺香港警方,盡顯幽默,一齊嚟睇睇:

網民「係男人就頂硬上」:「問番PPRB啦」

網民「袁禮林比狗X」:「漏水炮車」

網民「祖雲達C朗」:「漏水車」

網民「窮L學生」:「眾籌買m巾包X住架漏水炮車」

網民「TheTea」:「係咪淘寶貨」

網民「唔好咁粗口啦」:「邊行邊漏?真係狗黎架喎行到邊痾到邊」

講完笑,網民「自由。X」就提出一個好緊要嘅問題就係:「我覺得要化驗下D染料係有咩成份先,睇下有冇害,點樣清潔

嗯?會唔會因為涉及警方行動部署唔講得呢?


延伸閱讀►►►


片/疑似軍裝警察凌辱長者?閉路電視影到晒又打又除褲!

片/到到都有「臥底」?中港各有暗號分辨「自己人」?

無大台點樣抗爭?用大數據睇香港示威者點用手機be water

x

訂閱DailyView網路溫度計(香港版)電子報