港人飛北京被公安帶走?譚家翔喺連登向大家報平安

2019-08-22

2044Views

自從香港喺6月「反送中」逃犯條例引起激烈嘅社會運動至今,網路上已經有好多人講,話如果有參加過遊行示威嘅話,要相當小心,皆因中國大陸嘅公安係會Check手機,盤問政治立場。喺呢個咁敏感嘅階段,網民都話盡量唔好返去,隨時因為「反送中」而被提早「送中」,好鬼危險。點知,喺8月22號凌晨,就發生咗一件疑似因為「反送中」而被公安帶走嘅事件……

Image source:IG/govnews.hk

文/積遜猿

8月22號凌晨,連登會員女死女還在出咗個Post,題為「北京公安飛機帶走港人 譚家翔 先生」。內文係講,8月21號飛去北京嘅航班Ka902,有位香港人譚家翔先生,話有北京公安喺航機抵達後,機艙門打開咗,但係唔俾乘客落機,之後空服即場做廣播叫譚家翔先生聯絡空中服務員,最後疑似俾北京公安拘捕。呢個Post即時上咗熱門話題,之後有人正式Fact checked,有張圖影住斑機一開門公安已Stand by。網民就話:「今次真送中喇!」

Image source:LIHKG

喺8月22號兩點,連登會員KKYKK出咗Post,「我係尋日北京就被帶走嘅譚家翔」,內文首先放咗張機票,表明正身。之後開始講返佢自己俾北京公安帶走嘅經歷,話佢落機之後即刻俾公安落孖葉,扣留咗佢十個鐘先正式有得遣返香港。

Image source:LIHKG

佢就有幾樣嘢想同大家講,第一點係香港警察絕對有將香港人資料移交比內地公安,佢有參加過6月9號示威遊行,俾警察記低咗身份證,最後係被視為影響國家安全不允許入境。第二點係公安嘅精神折磨,咩都問,咩都查,電話電腦都俾公安睇哂同mark低資料。最後佢多謝返國泰同港龍空姐,話佢哋幫咗好多忙。

網民有見及此,就話今次真係只要有參加過示威遊行,都唔好再返中國大陸。一齊睇睇網民嘅反應:

「香港資料上中國好嚴重,但你會做到好有力嘅指控,希望巴打考慮開記者會,但記得搵專業人士衡量過安全同法律風險先。」

「巴打冇事就唔好再上去啦,真係好擔心你!」

「未有送中法已經咁樣,過左仲得了?」


延伸閱讀►►►


片/曾俊華力勸香港人和解!語重心長竟然換得網民咁回應?

片/香港人不反中國人?網民向大陸律師陳秋實致敬!

片/水炮車定「漏水炮車」?市民車輛同香港街道被強制「變藍」?

x

訂閱DailyView網路溫度計(香港版)電子報