片/當大J和達哥相遇?網民熱議大J最新影片無視達哥

2019-08-23

3578Views

林慧韡,人稱「達哥」,係香港網路KOL ,喺2011年開始喺網路平台直播打機,仲成日上電視賣廣告,相當知名。香港知名全職YouTuber 大J ,一向主力拍打機、淘寶開箱嘅影片,係香港第一個突破50萬訂閱數嘅YouTuber,至今訂閱數已經達70萬以上。當佢哋兩個相遇,到底會發生咩火花?又點解會引起網民熱議呢?

Image source:IG/hunggy9527

文/積遜猿

香港知名全職YouTuber 大J ,曾經有唔少網民批評過佢,甚至有人以「小學雞」形容佢受眾年齡層偏低。但係,自香港「反送中」逃犯條例修訂激起社會運動,佢不斷拍片支持香港示威者,仲親身落埋現場紀錄、直播,有網民形容佢係「戰地記者」、「社運型YouTuber」,極受網民支持,話佢係社會良心。除此之外,喺7月18號佢曾經用FB問:「如果YouTuber去選區議員,你覺得有幾多勝算?」此言一出,引起唔少網民支持,佢後尾話暫時未有呢個打算,但都可見佢因為社運勇於發言,受到網民力撐。

喺佢最新嘅影片,題為〈三級暴露版角色?! 一年一度的德國之旅!!〉,內容係講佢德國之旅嘅情況,不過網民最留意嘅並唔係呢段片嘅內容,而係喺約14分45秒之後,大J影片的鏡頭出現了兩位香港網路KOL,Ahhin同達哥。大J 鏡頭離遠一見佢哋,就講咗句:「我見到一個人。」之後走埋去,只係主動咁同Ahhin傾計,鏡頭亦都只係對住Ahhin,完全無視咗隔離嘅達哥喎。

網民有見及此,大多數留言都係力讚大J 好型,仲話佢句「我見到一個人」係諷刺緊達哥而家左右唔係人。點解網民會咁樣講呢?事源係達哥喺6月「反送中」社運起,一直備受網民批評,話平時日日講新聞嘅佢,今次竟然唔表態,令人相當失望。直到7月22號,達哥出FB Post話:「如果你地需要既係咁樣咩都攞出黎做show先叫有做野既kol,對唔住,我確實唔能係呀。」7月24號,達哥出影片講「達朝滅亡已成真」,睇怕網民嘅批評對佢相當有影響力。

Image source:YouTube/JASON(大J)截圖

正因咁樣,網民對大J 同達哥嘅評價,真係好似佢哋留言咁講嘅「2個月邊諗到大j同達哥個地位會大執位」。網民嘅磨擦力相當高,仲喺影片最後畫面Cap低咗達哥個樣,形容佢「黑哂面」。仲有網民話當年,講以前係達哥無視大J 先,「其實有年動漫展係達哥無視大J,好似係達哥介紹啲kol出場,但專登講漏大J」,唔怪得網民話今次係風水輪流轉喇!不過,都有網民指出最後好似有剪接過,或者佢哋有打招呼呢?

一齊睇睇網民其他講法喇:

「真係估唔到會有咁既一日,大J 過街老鼠>神台,達哥 神台>過街老鼠,睇住昔日人見人愛既達哥搞成咁,真係好感慨。」

「雖然對大J冇乜興趣,但佢企咁前做咁多真係好值得令人讚賞!」

「2個都係高登起家,而家風水輪流轉。」


延伸閱讀►


片/香港社運型YouTuber!大 J 轉型想參選區議員

片/達朝滅亡已成真?達哥用「引戰狗」形容網民嘅批評

事必有因:以大數據看「反送中」示威者訴求變化

x

訂閱DailyView網路溫度計(香港版)電子報