片/中國良心律師嘅悲劇?陳秋實返國後被全面封殺

2019-08-28

7103Views

中國律師陳秋實,一向關心社會時事,佢曾經話做律師係佢嘅職業,而做記者去其他地方採訪,係佢嘅興趣。香港自6月「反送中」逃犯條例引起社會運動以嚟,已經成為國際大事,好多外媒都有採訪。有見及此,陳秋實喺8月17號都落咗嚟見證歷史大事,但好快就被中國部門叫返咗去,離別之前拍咗段片,引起香港網民熱議,相當擔心佢嘅安危……

Image source:FB/林鄭媽媽後援會截圖

文/積遜猿

陳秋實喺8月17號嚟咗香港,即時拍咗段片講佢此行目的,「做律師是我的職業,去新聞現場採訪是我的興趣。……香港正經歷歷史性的變革,我希望親身來見證這件事。」一開始,陳秋實話要留到8月23號先返去中國,好可惜嘅係,佢只喺留咗三日,見證咗幾場集會之後,就被中國有關部門召咗返去。陳秋實8月23號晚臨走之前曾經喺機場拍咗條片,「這個世界有人精明躲在後面,照顧好自己的家人和兒子,就得有人虎沖沖的衝在前面,並且承擔後果,我自己選這條路,我願意一個人承認問題。」當中內容話自己會一力承擔責任,講到好似遺言咁。

「陳秋實律師香港見聞」引起香港網民熱議,大讚佢喺中國嘅良心,敢於講出真話,同時都有好多網民相當擔心佢嘅安危,話佢咁樣做仲勇過喺走上前線。查返資料,陳秋實除咗係中國律師,佢仲要係網紅,2014年參加大陸節目《我是演說家》攞咗亞軍,口才了得,官方微博為〈微博陳秋實和他的朋友們〉 。但喺8月27號,即係佢返咗去第四日,網民再嘗試上去睇佢嘅官方微博,發現已經「被消失」,成個帳戶唔見咗。

Image source:微博/台北富林

同時,喺微博亦都流傳陳秋實喺Wechat朋友圈嘅自白,內容係講佢經營八年嘅〈微博陳秋實和他的朋友們〉 微博帳號終於「被消失」。同時,陳秋實都講埋自己唔止微博無咗,連抖音、快手、微視、微訊公眾號和蜻蜓FM的帳號都全面被封殺。佢不無難過咁講,話〈微博陳秋實和他的朋友們〉走過好多中國重大事件,好似宜黃折遷、北京大雨淹死人、小悅悅等,「懷舊如果不是情懷,就是最可悲的無奈,而我是樂觀的人」,「失去一切公眾平台的表達者,最後又會走向何方?」陳秋實寄語各位期待佢之後嘅表現。

相對香港網民一面倒力讚,中國網民其實對陳秋實有好多批評,下面節錄咗相關嘅Post,畀大家了解國情:

Image source:微博/二哥哥的wife截圖

Image source:微博/江云帆截圖

Image source:微博/六和眉波君截圖

對比之下,香港網民就好尊敬陳秋實律師喇:

「希望佢平安,無被人虐待、打藥,令原本清晰理智既頭腦變得迷糊。」

「佢被消失就更加應該要做文宣,連求知求真咁基本嘅權利都冇,已經好中立咁表達意見,都被秋後算帳,難道啲藍絲同大陸人咁都可以話抵死?」

「係大陸敢發聲,追求真相,已經係香港勇武義士級別。」


延伸閱讀►►►


片/香港人不反中國人?網民向大陸律師陳秋實致敬!

片/網路瘋傳兩張圖兩條片,一次睇晒尋日香港人關心啲乜!

片/當大J和達哥相遇?網民熱議大J最新影片無視達哥

x

訂閱DailyView網路溫度計(香港版)電子報