宣明會核爆級公關災難?網民話要用呢樣嘢代替捐款

2019-08-29

5135Views

香港自6月「反送中」逃犯條例修訂引起社會運動,示威者一再以各種方式重申「五大訴求」,唯香港政府至今仍然唔答應示威者任何訴求,令社運依然未見終結嘅一日。社會步入「撕裂2.0」黃藍黑白對立,有網民針對商戶嘅政治立場、言論發起罷買活動,喺咁敏感嘅時期,FB嘅公關小編要出Post之前,認真要三思而後Post,如果唔係嘅話,隨時會引爆公關災難!

Image source:LIHKG

文/積遜猿

喺香港地做嘢,無論係政府部門又好,係私人機構都好,一定要搞好公關宣傳,先會令事業順暢無阻。但maketing嘅嘢,歷史話畀我哋知,好多人真係連條鐵都唔識。Well,喺8月28號,國際非政府組織(Non-Governmental Organization)宣明會香港分部,就同大家示範咗公關宣傳嘅反面操作,輕輕一個Post就觸發咗核爆,好多香港網民都要同宣明會割蓆。

事關喺8月28號妟畫,香港宣明會FB出咗嗰Post,內容係回應近日香港嘅社會狀況,提到「我們和香港人一樣,為事態感到十分難過和痛心」,重申宣明會要幫助全球各地「受貧窮、天災及戰亂影響的人」,針對香港現況,就講「我們會為香港祈禱,繼續與香港人共渡難關」。呢番言論一出,隨即引起大量網民留言,其中不乏幽默諷刺嘅回應,勁多人畀likes同心心支持。

Image source:FB/ 香港世界宣明會 / World Vision Hong Kong

睇返相關留言,原來好多網民都聲言自己係宣明會嘅長期支持者,參與各種活動,亦都成日捐款助養兒童咁,但佢哋眼見香港宣明會仲保持中立就好失望,其中一位留言就咁講「可惜今日香港發生的事,受傷的小朋友、年輕人無得到援助,貴會竟以祈禱方式支持,實難以接受」。香港咁多人支持宣明會,而宣明會咩都無做,只係發聲明,難免失望。正因為咁,網民都話要學宣明會嘅做法,「祈禱代替捐款,等我無後顧之憂」。

香港宣明會今次嘅聲明,話明核爆級當然係牽連甚廣喇,佢唔單止自己受到網民批評,仲令網民關注埋其他喺香港嘅NGO組織。網民話:「次次其他地方有咩天災人禍,香港人都仆倒去捐錢俾唔同機構,宜家到香港有事,無一個機構肯幫返我地」。佢哋於是發起抵制無國界醫生、樂施會、UNICEF、救助兒童會、奧比斯同國際培幼會,仲一式一樣整咗下面嘅圖,話要捐錢就捐返畀香港社會運動基金喎。

Image source:LIHKG

今時今日,喺香港做FB小編,搞maketing嘅人,真係要相當小心,因為隨時講錯一句嘢,出錯一個Post,都會引起公關災難。今次香港宣明會發表聲明引發嘅公關災難,大多數網民都口徑一致批評,唔知各位讀者又點睇呢?


延伸閱讀►►►


片/踩不死的香港人!阮民安:我很窮,我愛人民幣,但我更愛香港

日本大阪美女「反送中」爆紅!原來除咗模特兒平野玲子仲有一個?

片/中國良心律師嘅悲劇?陳秋實返國後被全面封殺

x

訂閱DailyView網路溫度計(香港版)電子報