點睇旅遊業唔景氣?依間「青衣三星級酒店」大減價或成測量指標?

香港「反送中」運動持續,社會上好多經濟活動都受到影響,尤其係本港旅遊業者,唔少酒店都要降價招攬客人,其中有一間「青衣三星級酒店」,更降價到73元一晚,引起廣泛討論。不過原來依間「青衣三星級酒店」已經唔係第一次減到咁低,之前都旅遊業唔景氣嘅時候都試過,唔通依個就係測量指標?

Image source:Ctrip網頁截圖

文/偉文

香港因為《逃犯條例》而引起嘅「反送中」運動尚未完結,示威行動依然持續進行中,影響涉及多個行業、界別。亦因為香港社會唔穩定,訪港旅客人數急跌,香港旅遊業者備受影響,唔少酒店都以降價嘅方底吸引客人。

據《香港01》嘅報導,青衣有一間叫做「香港永倫800酒店」(原名為「盛逸酒店」)嘅三星酒店,一晚連稅價只係73元,月租仲平過葵涌劏房。


喺寸金尺土嘅香港,住酒店有咁抵嘅價位,梗係引起網民討論啦!有人仲講笑咁講,依間酒店可以解決香港房屋問題。不過唔好以為依個價錢係罕有現象,其實喺依間「香港永倫800酒店」仲叫做「盛逸酒店」之前,已經試過有$88元一晚。

報導就係喺2016年2月8日出嘅,佈容係話嗰時香港旅遊業唔景氣,唔少酒店都以大減價招徠客人,已「香港永倫800酒店」嘅前身「盛逸酒店」呢,就做嘅$88元一晚,雖然貴過今年,但都係一個好抵嘅價錢。

睇返以上兩篇報導,「香港永倫800酒店」(「盛逸酒店」)大減價嘅時候,都係香港旅遊業唔景氣嘅時期。諗諗吓,依間酒店減唔減價,會唔會成為評估香港旅遊業嘅指標呢?


延伸閱讀►►►


宣明會核爆級公關災難?網民話要用呢樣嘢代替捐款

片/踩不死的香港人!阮民安:我很窮,我愛人民幣,但我更愛香港

日本大阪美女「反送中」爆紅!原來除咗模特兒平野玲子仲有一個?

x

訂閱DailyView網路溫度計(香港版)電子報