831前大搜捕多人?陳浩天、黃之鋒、周庭同鄭松泰等先後被捉

2019-08-30

2057Views

自6月起至今,香港因為逃犯修訂條例激起民眾「無大台」、「去中心化」嘅「反送中」社會運動。呢場社運,隨住警民衝突增多,無數流血事件出現,示威者高叫「五大訴求」,「和理非」遊行同「勇武」抗爭都做過哂,但政府喺8月28號高言唔會答應民間訴求,令更多人不滿。民間人權陣線組織申請8月31號遊行,警方發出反對通知書,但網民依然話照去。正喺8月31號前夕,有四位知名嘅政治人物被警方拘捕……

Image source:FB/香港眾志 Demosistō

文/積遜猿


   

前香港民族黨召集人陳浩天,佢喺目前香港「本土派」嘅知名人物,最出名嘅喺2018年,佢創立嘅香港民族黨因為「主張港獨」俾政府引用《社團條例》封殺。近日「反送中」社運之中,佢都相當關注、投入,亦曾喺8月15號「英美港盟主權在民」集會上台發言。到咗8月29號晚,陳浩天喺FB出Post講:「我現時係香港機場出境過關時被扣留,初步被告知香港警察提出扣留,但仲未有任何人同我講係咩事。」陳浩天喺8月30號先保釋,警方話佢知佢涉及一宗有組織罪案及三合會調查科嘅案件,要即時拘捕佢。

喺8月31號,香港眾志秘書長黃之鋒前港鐵海怡半島站途中,突然有人將佢推咗上私家車,押往灣仔警署總部,用咗以三項罪名拘捕佢,分別係「煽惑他人參與未經批准的集結」、「組織未經批准的集結」及「明知而參與未經批准的集結」。同日,香港知名文化評論人陳雲海喺FB出Post:「尋晚喺機場逮捕陳浩天!今朝黃之鋒就係屋企樓下比三個便衣捉上私家車!啱啱收到消息原來周庭今朝都係自己屋企俾人拉咗仲要係屋企抄野!」香港眾志再喺FB發表聲明,確知香港眾志前常委、前副秘書長周庭都喺家中被捕,罪名係「煽惑他人參與未經批准的集結」及「明知而參與未經批准的集結」黃洋達亦喺FB公告,話熱血公民主席鄭松泰被捕,送咗去天水圍警署。除咗以上四位知名政治人物,仲有兩位香港人都被拘捕,分別係前港大學生會會長孫曉嵐,同沙田區議員許銳宇。

唔少香港網民都懷疑,政府喺8月31號遊行示威前夕,高調拘捕四位知名嘅,支持香港社運嘅政治人物,係呼應早前警方聲言要捉哂「核心示威人物」有關。亦有網民指出,政府可能想籍由拘捕行動,阻嚇市民參加8月31號遊行示威,以令參與人數降低。不過,好多香港網民都冇有怕,話要有更多人出嚟,證明佢哋捉錯人,因為今次社運根本「無大台」。黃之鋒同周庭,已經獲準保釋,但要守宵禁令。

因為警方早前仲未公佈拘捕黃之鋒嘅三項罪名,好多網民都估嚟估去,其中連登用戶「蛋冶與豉油」就開Post「話你知 之鋒犯咗邊三條罪」,搞到網民係咁笑,一齊睇睇:

1. 未能成功建立大台,令黑警不能瓦解運動

2. 未能成功消耗民氣,令民意不能逆轉

3. 不肯配合政府做Show對話,令政府民望插水


延伸閱讀►►►


片/香港人派反送中口號月餅!網民留言話月餅原來別有深意?

片/爆眼少女首次現身聲明!高言譴責香港警察蓄意謀殺

點睇旅遊業唔景氣?依間「青衣三星級酒店」大減價或成測量指標?

x

訂閱DailyView網路溫度計(香港版)電子報