片/點解咁多馬來西亞人鬧「反送中」示威者?等黃明志話你聽啦!

香港「反送中」運動及展至今,早已經備受世界關注,唔同國家嘅網民亦都喺網路上廣泛討論。而喺相關嘅討論入面,有唔少打簡體字指責「反送中」示威者嘅人,被香港網民斥責係「翻牆」嘅「五毛」,但其實當中有好多係馬來西亞華人。咁點解馬來西亞華人咁樣鬧「反送中」示威者呢?黃明志最新嘅Youtube就講你聽。

Image source:Facebook:Namewee 黃明志

文/偉文

香港「反送中」運動備受世界各國關注,除咗一啲國家嘅政府機關、政治人物發表意見之外,好多外國民眾都有喺網上參與討論。

而係唔少嘅討論場域到,可以見到好多簡體字嘅評論,由於依啲評論好多都係指責示威者,而且明顯有一致性嘅論調同立場,好多香港網民都以為佢哋係「五毛」。但事實上,依班人好多都係海外打簡體字嘅華人,其中好多係馬來西亞嘅華人,但點解佢哋咁似中國嘅「五毛」呢?又點解佢哋咁憎香港「反送中」嘅示威者呢?馬來西亞嘅明星黃明志說拍咗條片解釋畀大家聽。




黃明志就提及到自己因為球賽勝負都同中國網民對罵過,後來好多年之後都依然俾中國網民話佢「反中」、「港獨」同「台獨」,而今次,佢就要講吓馬來西亞華中實際上係點睇中國。
佢講到馬來西亞華人祖先都係來自於中國,無論情感上、民族性上,基本上都唔可能「反中」,甚至係「很愛中國」、「很愛共產黨」。「愛中國」大家都應該明白啦,好明顯係因為民族性,但點解會「愛共產黨」呢?原來係因為佢哋上一輩喺民國時期,係因為缺乏衣食而走佬去馬來西亞,所以普遍認為邊個推翻國民黨,佢哋就支持邊個,但事實上馬來西亞國內係唔容許有共產勢力同思想存在㗎喎。

黃明志又提及到好重要嘅一點,就係馬來西亞嘅中文媒體嘅立場、視角都係偏向中國,加上仲有一啲人係長期接收「痴狂」地撐中國嘅新加坡媒體訊息,又有一班人係喺充滿共產思想嘅「新村」環境下長大,馬來西亞華人係處於長期被依啲訊息「洗腦」嘅環境下生活,所以普遍嘅馬來西亞華人肯定係企喺中國嗰邊。

依個就係點解今年香港「反送中」遊行入面,咁多馬來西亞華人鬧示威者同撐警察,更甚係用簡體字踩場,去香港嘅page到留言、洗版。以後香港網民見到再有打簡體字鬧香港示威者嘅人,可以諗吓佢唔一定係「五毛」,一吓咁講,或許未必係中國嘅「五毛」。


延伸閱讀►►►


片/白衫少年問警良心去向反被扑頭,流晒血堅持理論使網民佩服!

片/831警方發出反對通知書!大J 決定舉辦七周年觀衆見面會

831前大搜捕多人?陳浩天、黃之鋒、周庭同鄭松泰等先後被捉


x

訂閱DailyView網路溫度計(香港版)電子報