港交所server出事?網民嚇餐死!

2019-09-05

1699Views

今日(9月5日),香港交易所疑似死server,好多人都無辦法落盤、交易,即時引起網民熱烈討論。

Image source:Wiki圖片

文/偉文

香港交易所喺今日(9月5日)疑似死server,電腦落唔到盤,淨係可以用人手成交,港交所就講話係同衍生品交易有關嘅連接問題,依家就研究緊。有唔少投資者就喺網上討論,質疑點解唔停市,拖愈耐愈唔公平。


咁大件事,梗係嚇親好多投資者啦!網上即刻有好多討論,仲有唔少猜測。有網民就話,尋日唔少人襯香港政府終於宣佈「撤回」《逃犯條例》修訂草案面炒咗轉,恆指有成千點升幅,而今日林鄭喺11點15見記者實有大單嘢要講,港交所死server又唔停市係要畀「領導先走」。

又係嘅,香港國際金融中心嚟㗎嘛,依家有人交易到,有人交易唔到,但又唔停市,好難唔令投資者驚㗎喎。唔通真係大戶走先,散户玩完?


延伸閱讀►►►


片/林鄭開金口講「撤回」,網民回應話「四餸一湯,缺一不可」

片/點解咁多馬來西亞人鬧「反送中」示威者?等黃明志話你聽啦!

片/白衫少年問警良心去向反被扑頭,流晒血堅持理論使網民佩服!


x

訂閱DailyView網路溫度計(香港版)電子報