中國網民支持警察子女返祖國讀書!何君堯使全面connect!

喺香港「反送中」運動當中,警員同市民嘅衝突不斷發生,以致警民關係每況愈下。有網民就喺網上咒罵警察同佢哋屋企人,更甚係建議一啲更為針對性嘅實質行為,令到警察同佢哋屋企人生活受到威脅。有見及此,好撐警察嘅何君堯議員就寫咗封信畀保安局長李家超,列咗幾個支援警察嘅建議,其中有一項竟然不論中港黃藍都大讚?

Image source:Facebook:何君堯 (Junius Ho Kwan Yiu)

文/偉文

香港「反送中」運動愈演愈烈,警民衝突持續發生,社會上不斷有聲音質疑警察執法時使用嘅武力。好多市民都認為警察執勤時有濫用武力嘅情況,但冇有效嘅機制去監察,投訴又冇門,好似就信真係有警察「濫暴」都唔使負責任。
所以有唔少市民就喺網上咒罵警察同佢哋嘅家屬,更有人建議一啲更為針對性嘅實質行為,揚言話令警員知道濫力武力係「有後果」。

喺咁嘅情況底下,立場一直都鮮明「撐警」嘅何君堯議員喺9月3日就去信保安局長李家超,提出咗8項支援警員嘅建議,詳細內容可以喺佢Facebook page到睇到。


何君堯嘅建議當然受到「藍絲」嘅支持啦!但今次好出奇地冇「黃絲」批評,反而好多讚賞,可以話係難得「黃」「藍」達成一致諗法嘅時刻。到底點解「黃絲」會讚何君堯?「黃」「藍」又因為咩而達成共識?原來就係「協助警員子女返內地讀書」依一點。

有網民話何君堯連「黃」「藍」都connect到,認真厲害,簡直係修補社會撕裂嘅大功臣。但其實唔止咁簡單,有網民發現到,何君堯令到中國網民都connect埋,中、港、黃同藍都齊齊撐「協助警員子女返內地讀書」嘅建議,一齊嚟睇吓中國網民點講:

微博:央證公開課頁面截圖


當一個建議,不論中國、香港、黃絲同藍絲都支持,可以講係一種普遍、集體所認同嘅諗法,有網民話:竟然唔同立場嘅人都一致認同,好應該盡快落實何君堯依個建議,盡快送警察嘅子女去中國讀書,唔好留喺香港讀喇。


延伸閱讀►►►


港交所server出事?網民嚇餐死!

片/林鄭開金口講「撤回」,網民回應話「四餸一湯,缺一不可」

片/點解咁多馬來西亞人鬧「反送中」示威者?等黃明志話你聽啦!


x

訂閱DailyView網路溫度計(香港版)電子報