謝sir成為潛力圖,手持雷神錘冇難度!

香港警察依家固定星期1至5嘅4點會開記者會,向公眾交待警方每日喺「反送中」運動嘅行動安排。依個記者會,成日都令到參與、支持「反送中」運動嘅市民好勞氣,仲有人話依個根本係警方嘅「狡辯會」。但喺尋日(9月5日),警察記者會就出現咗一張潛力圖,意外地引起唔少歡樂。

Image source:Facebook:香港警察 Hong Kong Police 直播截圖

文/偉文

香港「反送中」示威活動不斷,警察依家固定星期1至5嘅4點鍾會召開記者會,向公眾交待返警方應對示威行動嘅安排同相關資訊。而喺記者會最常出現嘅有2位警方發言人,就係警察公共關係科(PPRB)嘅謝振中(總警司)同江永祥(高級警司),2個依家都廣被香港人所認識。

尋日(9月5日),謝sir同江sir又如常出嚟開記召,向公眾交代一啲佢哋手頭上有資料嘅警方資訊。但正當網民等緊Bingo嘅時候,謝sir就向大家展示一把由被捕示威者家中搜出「武士刀」,瞬間引起網路討論。

image source:Youtube: 蘋果動新聞 HK Apple Daily 影片截圖


畫面亦頓時變成潛力圖,被一眾網民大改特改,一齊嚟睇吓網民創意:

▲網民將「武士刀」改成核彈

image source:「LIHKG」討論區用戶「 齊齊自焚」圖片

▲另一位網民將核彈改成「死亡筆記」。

image source:「LIHKG」討論區用戶「 腦魔(二世) 」圖片

▲網民將「武士刀」改成「反送中」字條。

image source:「LIHKG」討論區用戶「 小鴿子飛」圖片

▲網民將「武士刀」改成蒙面超人玩具劍。

image source:「LIHKG」討論區用戶「 猜猜情尋RR頭痕」圖片

▲網民將「武士刀」改成雷神錘。(照計謝sir唔會拎得起。)

image source:「LIHKG」討論區用戶「 鳩up」圖片


網民真係好識苦中作樂,不過就有唔少網民一再強調唔好再犯「雨傘」運動嘅錯,唔好淨係掛住玩,要識得專注返落「反送中」運動本身嘅示威行動到。


延伸閱讀►►►


中國網民支持警察子女返祖國讀書!何君堯使全面connect!

港交所server出事?網民嚇餐死!

片/林鄭開金口講「撤回」,網民回應話「四餸一湯,缺一不可」


x

訂閱DailyView網路溫度計(香港版)電子報