片/為人師表竟然用粗口辱罵學生?副校長撕毀連儂牆文宣被拍

2019-09-06

2163Views

自6月起至今已維持三個月多,香港「反送中」逃犯條例引起嘅社會運動,喺9月開學後令校園都捲入政治戰場,令師生關係充滿危機、對立。其中,元朗天主教中學副校長陳秀芬就被人拍咗片,佢嘅言行引起咗網民熱議⋯⋯

Image source:FB/香港連儂牆 Lennon Wall Hong Kong

文/積遜猿

Image source:FB/香港連儂牆 Lennon Wall Hong Kong

香港「反送中」引起嘅社會運動,示威者除咗上街遊行,衝鋒陷陣,都仲有好多表達意見,凝聚民氣嘅方法。當中最為和平、理性、非暴力嘅方法,莫過於民間社區各個地方嘅連儂牆喇!連儂牆嘅遍地開花,喺網路上都流傳咗好多經典圖片。

不過再和理非嘅示威方式,都會引起其他人嘅不滿。一直以嚟警方都試過唔同方法撕毀連儂牆,好似最初大埔連儂牆起咗無耐,警方就大批人馬去到連儂牆巡邏,最後撕去有關公布警員資料嘅部份。而連儂牆亦都發生過打鬥事件,有身穿藍衣嘅中年大叔連環揮拳毆打後生仔,後生仔捱打唔還手,甚至倒地。

今次連儂牆再次引起嘅爭議,係元朗天主教中學副校長陳秀芬喺天穚上公然撕毀連儂牆文宣,就好似被一位學生哥拍咗片,仲放埋上網。呢段影片共計有4分09秒,一開始已經影緊陳副校撕毀緊文宣,陳副校一開始就問拍片人:「點解你無校章嘅?」又講:「無校章又點投訴?」又聲言唔怕被拍片。

片段中拍片者同陳副校指責對方係廢青、廢老,之後拍片者以粗口罵陳副校,陳副校亦都以其人之道,還施其人之身,半點都唔退讓。陳副校又高言:「誰大聲誰惡誰正確?唔好意思!唔係囉!」呢段影片放咗上網,即時有人指認出佢係元朗天主教中學副校長,網民仲話佢咁樣破壞言論自由,已經犯咗香港《刑事罪行條例》第60條。

Image source:電子版香港法例截圖

有網民指出,話陳副校嘅說話,正好可以用嚟反映警察嘅無理可言。「無校章又點投訴」,即係警察無編號無委任證,投訴無門。「誰大聲誰惡誰正確?唔好意思!唔係囉」,係市民對而家政府嘅不滿,同埋市民係唔會就範嘅堅定意志。

Image source:維基百科

網民咁有創意,連維基百科都幫佢改埋,我哋再一齊睇睇佢哋仲有咩意見喇!

「大家應該去投訴,教育局,辦學團體咩都好,只推係冇用。」

「請問陳女士點解唔支持香港的民主理念?點解唔包容社會不同聲音?點解蓄意破壞他人財產?潑婦何堪任一校校長?」

「犯十戒啦講粗口,仲做天主教學校?去信去信。」


延伸閱讀►►►


學生組人鏈拖筆又拖遮?等東方昇拍片話你知點樣拖先最好喇!

謝sir成為潛力圖,手持雷神錘冇難度!

港交所server出事?網民嚇餐死!

x

訂閱DailyView網路溫度計(香港版)電子報