片/18區中學9.9再現超長人鏈! 「我勇武但我唔敢拖手」

9月9日18區再次出現咗多條人鏈,不過今次嘅學生所組成嘅,着起校服同校友街坊一齊we connect。而平時好勇武嘅年輕人,今日好似終於遇到難題...

image source: Stand News 立場新聞 Facebook 直播截圖

文/牙菜

由6月9到依家9月9號,反送中運動原來已經進行咗成3個月。由最開頭嘅一百萬人大遊行,演變到最近血戰街頭嘅衝突。香港人不斷嘅進化令到有好多種唔同型式嘅示威出現。而一眾學生就趁呢個特別嘅日子,舉辦咗18區學生大型人鏈。今次唔單只connect Band 1至Band 3 ,男校女校男女校,亦都Connect到年代久遠嘅校友。佢哋手拖手,一齊又回到最初的起點嗰種和理非非方式,表達對五大訴求嘅堅持。


雖然學生好多都年少氣盛,平時都無所畏懼咁,一個豬嘴一個職安健頭盔就可以衝到最前。催淚彈啊,橡膠子彈,甚至布袋彈出埋都唔會走,無驚過。就算係清埸,要被捕佢哋都無灰心嘅樣子。但似乎今日,佢哋突然變返做一般年輕人,怕醜仔。


唔怕話你知:拖手仔,其實真係好難...

就算隔住張圖,由同學仔嘅手部動作,低頭姿態,捉住遮嘅左手,都深深咁感受到同學仔嗰種:「這些機會不屬於你」 嘅心酸。   

另一邊廂嘅呢位同學,簡直完美咁表達出咩叫「其實自己一個更開心」、「無敵是最寂寞」.....(歡迎大家繼續接龍)


呢兩位少男少女,互望咗幾次之後,始終都係怕醜,唔夠勇氣去拖起對方隻手...可惜佢哋無其他嘢喺手,無辦法隔空或者隔住啲嘢去(扮)拖到大家。


勇氣大到天不怕地不怕嘅衝衝子,喺9月9呢一日,終於搵到自己要挑戰嘅關口了。


延伸閱讀►►►


學生組人鏈拖筆又拖遮?等東方昇拍片話你知點樣拖先最好喇!

謝sir成為潛力圖,手持雷神錘冇難度!

港交所server出事?網民嚇餐死!


x

訂閱DailyView網路溫度計(香港版)電子報