中國定台灣要還「清朝債券」?香港網民話咪當做「歷史文件」!

2019-09-09

1417Views

中美貿易戰持續進行中,影響世界好多經濟活動,好多香港人都相當關心事態發展。而最近,《Bloomberg Businessweek》就出咗篇有趣嘅新聞,內容涉及「清朝債券」,即時引起中港台網民熱議,中國同台灣都有消息流出話「唔還」。

image source:網路流傳圖片(取「LIHKG」討論區用戶隨遇而安的人

文/偉文

最近《Bloomberg Businessweek》(即《彭博商業周刊》)出咗篇報導,內容係話美國總統特朗普喺對中國嘅貿易戰入面有個「新武器」,就係1911年嘅清政府為咗修建「湖廣鐵路」而發行嘅債券,同埋1913年由中華民國政府發行嘅「黃金融資債券」,當中涉及金額估計超過一兆美元。


美國債券持有人基金會創立者Jonna Bianco講話中國唔承認依啲債券,話相關債務係屬於1949年以前嘅中華民國所有。Bianco批評咁樣即係「選擇性還債」,話中國之前為咗拎返香港,就喺1987年還咗英國投資人嘅債券,依家依啲梗係都要還先得啦。

 

咁台灣又點睇呢?今日(9月9日),台灣嘅前行政院長、新世代金融基金會董事長陳冲,就有講到話:

同樣稱中華民國,但是在臺灣的中華民國並未承受1949年前中華民國(大部分)的資產,有何道理償還負債?如將資產歸還「中華民國政府」,追討負債才有討論的基礎。


好多香港網民就話,支持中國償還債務,因為割讓香港俾英國嘅都係清政府,收得香港,還錢都好應該。仲話唔好搞台灣啦,支持「一個中國」啊!又有網民話中國要有大國氣度,借錢就要還,唔好好似「阿偉」咁。

image source:網路流傳圖片(取「LIHKG」討論區用戶伊原摩耶花


延伸閱讀►►►


片/18區中學9.9再現超長人鏈! 「我勇武但我唔敢拖手...」

學生組人鏈拖筆又拖遮?等東方昇拍片話你知點樣拖先最好喇!

謝sir成為潛力圖,手持雷神錘冇難度!



x

訂閱DailyView網路溫度計(香港版)電子報