「究竟今年應該買咩月餅好?」被推上神檯嘅四喜餅家

講起中秋,大家第一時間諗到嘅,應該係應節食品—月餅。但依家社會風聲鶴唳,有網民號召罷買各牌子嘅月餅。咁究竟我哋應該食咩月餅好?而小店喺呢啲環境下又有咩睇法?

image source:pixabay:happycat230

文/牙菜

最近天氣開始變涼,提醒緊各位一年一度嘅中秋節就嚟到。呢個時候大家會開始去諗今年買咩月餅好。今年月餅嘅宣傳成為咗反送中運動嘅一條資訊性戰線。

▲▼月餅都會分「黃」「藍」。

而喺呢啲買月餅嘅消息當中,有一啲不為人知嘅小鋪亦都被人提起。令人驚訝嘅,係原來香港仲有好多有心經營嘅小店,其實一直都存在喺大家嘅生活圈子,未被發掘出嚟。

四喜餅家就係一個例子。因為反送中運動,令四喜餅家喺營業上受到影響。但其實四喜嘅月餅主打係懷舊得嚟又幽默嘅風格,令佢有別於傳統連鎖嘅月餅鋪。而月餅嘅味道亦都同傳統嘅唔同。

除咗四喜之外,仲有華爾登餅店,添福小食呢啲有心得嚟又無人認識嘅小店,亦都係因為反送中運動所以多咗人去認識。喺香港呢個大都市底下,小店嘅經營可想而知係十分困難,買少見少。就嚟到有得放假嘅中秋佳節,大家不妨抽啲時間出嚟,發掘下身在嘅生活圈。可能有啲唔出名嘅小鋪喺大家附近,話唔定可以帶畀你一個新奇又獨特嘅體驗,令呢個中秋節過得更特別!


延伸閱讀►►►


中國定台灣要還「清朝債券」?香港網民話咪當做「歷史文件」!

片/18區中學9.9再現超長人鏈! 「我勇武但我唔敢拖手...」

學生組人鏈拖筆又拖遮?等東方昇拍片話你知點樣拖先最好喇!


x

訂閱DailyView網路溫度計(香港版)電子報