日本神社都有反送中風波?日本平野玲子 VS 中國樊大叶子呀

香港自6月「反送中」逃犯修訂條例引起過百萬人嘅社會運動,至今一直都備受各界關注,日本正係其中一國。自80年代,香港同日本嘅文化互相影響,香港人成日睇日本劇集、卡通,日本人鍾意香港明星、電影,相當親近。今次「反送中」社運咁大件事,緊係有唔少日本人力撐香港抗爭者,當中仲有靚女!

Image source:微博/樊大叶子呀

文/積遜猿

講到力撐香港「反送中」社運嘅日本靚女,緊係要數最出名嘅日本和服模特兒平野玲子、曾喺香港留學嘅大阪美女Maririn喇!佢哋兩位都因為喺日本聲援香港社運,所以備受香港網民關注,唔少香港網民都高呼要令佢哋知道香港人對佢哋嘅愛,令到佢哋嘅IG湧入大量嘅Followers,真係港日同盟咁款!

Image source:微博/樊大叶子呀

不過呢,喺9月6號就發生咗中國網紅踩入日本神社,引起「反送中」風波嘅兩國網紅之爭!事源係中國微博網紅「樊大叶子呀」(原名「樊燁燁燁」),平日做開美容Bloger,坐擁十三萬粉絲,都咪話唔多人。本身佢同「反送中」、「日本」呢兩個字相距幾遠,但佢喺9月去咗日本旅行,成為今次風波嘅起始。

「樊大叶子呀」喺9月6號去咗大阪嘅神社,見到神社嘅許願牌仔,有人為香港加加油,寫上咗「五大訴求 缺一不可」、「香港人加油」等字眼。呢位網紅見到相當嬲嬲豬,即刻拆咗人哋嘅許願牌,仲埋咗喺遠處。事後佢喺微博出Post,好開心咁講返呢件事,表明自己支持香港警察,即時俾其他網民翻譯成日文喺Twitter瘋傳,好多日本人都批評佢做法有問題 ,唔尊重神社文化。

Image source:微博/樊大叶子呀

Image source:微博/樊大叶子呀

佢之後就因為呢件事刪咗個Post,但又分別喺9月11號同9月12號喺微博出Post,話係漢奸同港毒搞佢,佢只係唔小心刪咗Post,唔怕外國勢力咁話。面對批評,佢絕不認錯,仲話就算犯法同唔尊重神社文化,都要照拆許願牌喎,而且高言有中國解放軍照住佢,咩都唔怕。不過佢就似乎好怕有大陸網民話佢去日本玩,已經係漢奸行為,即時解話「就是因为我经常在世界各地旅行才变得越来越爱国,才知道我们发展多快,才知道党多好,才知道生活在中国有多幸福」。最後佢重申:「五大诉求我们14亿人每一条都不同意」。

平野玲子喺9月12號,正式喺FB出Post回應返呢件日本本地發生嘅「反送中」風波。呢個Post題為「對於樊烨烨烨女士褻瀆行為的嚴正聲明 樊烨烨烨さんの冒涜行為に対する声明」,繁簡體字加日文版本,相當有誠意。「神社絕對不是一個容許您這樣踐踏,破壞別人願望的地方」,平野玲子強調 ,「請您立即返回中國,今後別再踏入日本領土」。

Image source:IG/suzutaro25

香港人見到日本靚女平野玲子跟得咁貼,即時聲援香港,同「樊大叶子呀」大戰,緊係好鬼感動,一齊睇睇網民點樣講:

「平野鈴子係真正愛國者,捍衛日本文化,又支持香港。」

「有冇機會煲大佢,話佢破壞神社,令佢終生不得入境?」

「平野さん,好想同你瘋狂食壽司,日本民主女神。」


Image source:twitter/Eason @ Back in Hell 

日本網民喺9月12號中午,已經為香港人搵返許願牌,真心係港日友好,無限感謝!


延伸閱讀►►►


日本大阪美女「反送中」爆紅!原來除咗模特兒平野玲子仲有一個?

民間記者會嘅手語傳譯,「無聲世界嘅英雄」──黃耀邦

片/《願榮光歸香港》響遍全城,合唱之聲聽喊唔少香港人

x

訂閱DailyView網路溫度計(香港版)電子報