香港「反送中」運動持續3個幾月，警民衝突同關係都越來越僵，今日（9月18日）連登就有個關於「警察有份交稅，算係自僱人仕」嘅Post引起咗網友嘅討論。
片／警察有份交稅就算係自僱人士？網民神回覆！
image source：YouTube/腦補給
文/樂比
香港「反送中」持續進行，而警民關係都越來越惡化。總會有人問「你唔信警察你又報警？」，然後又總會有人答「因為我有交稅㗎嘛！」。而喺8月24日警方喺九龍灣德福戲院對出施放催淚彈，速龍小隊都曾經同市民爭論交稅嘅問題。有警員問「你交幾多錢稅、你有錢交稅？」，市民就回答：「你哋用香港人錢打香港人」。
今日（9月18日）喺LIHKG討論區有個關於「警察有份交稅，算係自僱人仕」嘅Post延伸咗一個網友提出嘅哲學問題：「黑警交左稅先？定市民交左稅先？」
個Post下面嘅網民仲離晒題咁回應：
「哲學題,交稅多d定出糧多d」
「我有買長實，算係李嘉誠債主」
「我有買美債，Trump Trump差我錢」
「無我地交稅出糧俾差佬，差佬邊有錢交稅?」
「我做快餐店，我會食返間快餐店既食物，又自顧人士？」
「所有有交稅既人都係自僱，人人都係老闆」
「McDonald職員，我有買薯條食，算自僱人士」
「我地唔稅你有冇錢出糧交稅」
「去稅務大樓講， 大家笑到gap gap 聲」
「全港只要有交稅都係自僱人士」
延伸閱讀：