陳方安生HARDtalk表現只係正常發揮?講你聽佢有幾威水!

香港「反送中」事件早就成為國際關注嘅事,唔少香港人都四周圍去外地發表相關言論,各人表現優劣與否,可唔可以全面地向世界展現香港聲音,都係香港網民熱衷討論嘅話題。而尋日(9月17日),香港網民普遍大讚陳方安生上BBC節目《HARDtalk》嘅表現,話陳方安生表現無可挑剔,談吐大方得體。有「老鬼」話依個只不過係陳太正常發揮,佢最威水嗰時,你哋都未出世。

image source:YouTube:BBC News 影片截圖

文/偉文

尋日(9月17日),BBC中文網上傳咗最新嘅《HARDtalk》,今次嘅對談嘉賓係廣為香港人認識嘅陳方安生。

節目入面,陳方安生輕鬆應對主持人辛辣、尖銳嘅問題,唔單止扼要講咗香港依家嘅情況,仲更上升一個層次去談論中國可以如何思考今次香港嘅「反送中」運動。陳方安生認為若果北京畀香港可以實行雙普選,而民主自由係可以喺香港取得成功嘅時候,北京係可以借鑒香港模式,從而促進全國可以擁抱普世價值。


好多網民睇完依集嘅《HARDtalk》,紛紛表示陳方安生嘅表現好掂,言談有條有理之餘,仲大方得體,仲時不時會展露笑容。不過有「老鬼」就話,依啲只不過係陳方安生嘅正常發揮,仲話咁樣嘅表現距離陳太巔峰狀態都仲有段距離,佢以前係威水到有「朵」㗎!
陳方安生以前嘅「朵」有:鐵娘子、陳四萬同香港良心,個個都係相當正面。「鐵娘子」係形容陳方安生行事作風嘅硬朗果斷;「陳四萬」就係講佢面向公眾嘅表現相當親民,成日笑到四萬咁口;「香港良心」則係市民認為佢持續堅守香港核心價值,一直都唔放棄為香港人掙取應有嘅權利,係香港嘅良心。

image source:wiki

風評同形象都好好嘅陳太,對香港好多女性嚟講,仲有好特別嘅意義。陳方安生係香港開埠以來第一位女性署長、第一位女性華人司級官員、第一位女性華人布政司、第一位女性華人署理港督同埋係第一屆特區政府嘅政務司司長。咁多個「第一位」,陳方安生係好多香港職業女性嘅偶像,佢仲為女公務員爭取同工同酬嘅平等待遇,可以講係香港女性平權嘅重要人物。

陳方安生喺職務上「好打得」,形象又好又親民,普遍香港市民都好支持佢。好似佢喺1997年,以署理港督嘅身份喺農曆新年嗰時落區行花市,唔使大批防暴警察戒備,又唔使秘密進行,同市民有傾有講,0距離嘅溝通、交流。

好多網民睇完條片就話:「依啲咪得民心囉!

不過喺香港「反送中」運動期間,陳方安生多咗個負面嘅稱呼,俾某啲群體叫「民主阿婆」,仲同黎智英、李柱銘、何俊仁合稱「禍港四人幫」。依個「禍國四人幫」嘅朵就源於中共中央政法委8月17日喺官方新聞網發表嘅一篇文,標題就係《「禍港四人幫」十四宗罪》,點名話佢哋四個人係香港依場衝突嘅源頭。

其實喺再早啲喺同一個網站都有一篇叫做《起底黎智英,從「佔中」到「騷亂」的黑手》都有提過「禍港四人幫」,不過就冇何俊仁,而係包括陳日君。

其後「禍港四人幫」就被好多藍絲廣為使用,根據KEYPO大數據關鍵引擎》嘅分析圖表顯示,8月15日起,「禍港四人幫」嘅網路聲量即時彈起。

▲▼image source:《KEYPO大數據關鍵引擎》(分析期間:2019/06/08 - 2019/09/18)

▲提及「禍國四人幫」嘅「熱門頻道」。


係「鐵娘子」、「陳四萬」、「香港良心」定係「民主阿婆」、「禍港四人幫」?大家又點睇呢?


延伸閱讀►►►


片/警察有份交稅就算係自僱人士?網民神回覆!

港鐵火車出軌,又關黃心穎事?網民留言離晒題?

西門町響起《願榮光歸香港》,毓民寄語年輕人「最緊要保住自己」


x

訂閱DailyView網路溫度計(香港版)電子報