中國人毆打香港留學生?義守大學連儂門引爆中港衝突!

香港自從6月起因為「反送中」逃犯修訂條例引起嘅社會運動,至今已經持續超過咗100日,備受國際社會關注,其中地理、文字都相當貼近香港嘅台灣,佢哋緊係一直都好留意香港發生嘅社運事件喇!台灣喺呢100日入面,都成日舉辦支持香港活動,香港人又點會估到,台灣嘅香港留學生竟然會因為政治立場而俾中國人打⋯⋯

Image source:LIHKG

文/積遜猿

台灣,一直都係香港學生熱門留學嘅地方,尤其自從香港2012年DSE改制,申請去台灣留學容易咗,去台灣嘅學生自然愈嚟愈多。台灣作為一個民主、自由兼尊重人權嘅國家,香港人向來都相當信任台灣嘅環境,無論係抱持親中、親台、親日,都可以係到安全咁表達自己意見。但居然喺9月18號,香港連登討論區就有個Post話有香港留生俾中國人毆打。

呢個Post題目係「[突發]香港籍 Year 1台灣留學生俾大陸人打 破壞」。Post主自稱係受害者嘅朋友,件事嘅內容就係話有位香港人參加「反送中」社運嘅台灣高雄義守大學留學生,開學之後就返咗台灣讀書,但係令佢難受嘅係,因為政見不同,佢同宿舍嘅中國留學生「話佢港獨曱甴唔承認中國人」,認真備受驚嚇。

呢位香港留學生無驚,用和平、理性、非暴力嘅方法,係自己門日整咗道「連儂門」。台灣好多地方都有連儂牆力撐香港社運,已經係台灣人認同、尊重表達意見嘅形式,但可惜呢種呈現並無得到台灣嘅中國留學生尊重,佢哋不斷撕毀「連儂門」嘅文宣,而當香港留學生嘗試制止佢哋嗰陣,竟然俾佢哋叉頸又圍毆,仲喺佢道門掛埋五星中國國旗,令呢位香港留學生唔知點算好。

呢個Post好快係香港爆紅,仲俾人轉發咗喺台灣嘅PTTDcard等地方,上埋各大台灣新聞平台,睇嚟台灣人真係好關心香港留學生言論自由被侵犯嘅國際事件。其中,有網友爆料話學校主張息事寧人,又指打人嘅中國留學生希望和解,而由於警方都話受害者無傷痕,唯有和解了事。而根據台灣中央通訊社報道,義守大學副校長周兆民就話,學校上星期已經知道件事,叫咗兩邊學生都要尊重彼此立場同言論自由,而動粗滋事嘅陸生已送交俾學務處獎懲會議處緊。

Image source:PTT


Image source:Dcard

在台中國留學生毆打香港留學生嘅事件,唔單止香港網民熱議,台灣鄉民嘅討論都相當多,我哋一齊睇睇佢哋點講:

「其實現在說的不只是受害者一個人的問題,而是所有學生的人身安全,所以現在台灣也能像香港的福X幫打完人後沒事走人的話,那怕的人都不用來學校就對了?」

「中國人不打中國人定律,可知香港人不是。」

「頂,這真的很過份。這裡是台灣,是有言論自由的地方,不是中國。」


咁香港網民自己又點講呢?

「係台灣報警啦,唔好忍,相信台灣人會撐我地!」

「煲大佢,比傳媒知,貼晒佢地啲惡行去campus到。」

「台灣就大選,呢啲消息實傳媒實會幫你煲大,送料俾蔡英文,怕佢咩?」

在台香港留學生組織「香港邊城青年」,一直都好關注香港社會運動,喺9月19號,佢哋都發表聲明支持呢位香港留學生,呼籲「義守大學,以及教育部、陸委會等主管機關,積極、完善處理是次事件,不但要讓同學回來臺灣一起上課,還要讓同學擁有應得的、免於恐懼的自由」。

「香港邊城青年」連同其他台灣組織,即將喺9月29號發起「台港大遊行-撐香港反極權」遊行,我哋香港網路溫度計都會喺當日台北活動現場、訪問同報道,為各位香港朋友送上第一手資訊,支持港台友好!


延伸閱讀►►►


陳方安生HARDtalk表現只係正常發揮?講你聽佢有幾威水!

片/警察有份交稅就算係自僱人士?網民神回覆!

港鐵火車出軌,又關黃心穎事?網民留言離晒題?

x

訂閱DailyView網路溫度計(香港版)電子報