何君堯號召三萬人拆連儂牆!外國記者話沙田921再現元朗721

香港邊個議員最受人關注?以前好難講,但自從香港喺6月引發「反送中」社會運動至今100多日,立法會議員何君堯就一再成為網民熱議嘅政治人物。好似早前7月21號元朗黑夜恐襲事件,網上就有影片流傳疑似何君堯同白衫人握手傾計,之後又有人掘起咗佢嘅祖墳,辦事處又被火燒,睇嚟真係多人唔妥佢喎。

Image source:FB/何君堯 (Junius Ho Kwan Yiu)

文/積遜猿

何君堯議員,香港抗爭者唔妥佢到邊個地步?何君堯名下有隻馬,叫做「天祿」,原本9月18號晚會喺跑馬地快活谷馬場出賽,但點知有傳網民話要圍堵馬場、搞「幻彩耀天祿」嘅活動,搞到馬會竟然取消哂當晚嘅賽事。網民見到咁樣,當然好開心喇,話何生真係好威,竟然可以搞到香港無得「馬照跑,舞照跳」喎。

喺9月18號,何君堯喺FB出咗新聞稿回應返件事,表明並無任何人要求佢隻馬要退出賽事。何君堯話相當驚訝,就此感到遺憾,擔心呢件事會對香港、香港賽馬有負面嘅影響。網傳何君堯相當嬲嬲豬,打算喺9月21號報復香港示威者,希望大家喺當日唔好去沙田。

   

原來早喺9月13號,何君堯就已經發起咗一個名為「清潔香港運動」,話要喺9月21號清潔香港,清除哂各個地區嘅連儂牆,「由九月廿一日(星期六)起總動員,搞好環境衞生,把影響市容的垃圾撕掉,洗淨牆壁,同時人心也要洗,匡正校內校外學習環境」。而喺9月17號FB直播話,希望召集到3萬人,呼籲埋內地同胞參加,「係我哋作為勇敢中國人應有嘅態度」。

外國記者Richard Scotford,喺香港一直熱心關注社會時事,近呢三個月嘅社運,次次都親身參與社運,做第一手嘅報道。佢喺9月18號,先用英文出Post,呼籲大家唔好保護連儂牆(Please don’t defend Lennon Walls),因為佢哋只係收咗錢工作短時間。所以最好嘅做法係留喺屋企,影印文宣,等黑幫走咗,就可以再貼新嘅文宣喇。

Richard Scotford可能怕香港人睇唔明,於是喺9月19號又再出Post,用中文寫住:「何君堯9月21日在沙田會有所行動」,「元朗和福建黑幫和其他藍絲將會出現,而警方亦會到場,拘捕任何對抗這班流氓的人。」網民見到佢咁講,認真唔講得少,即時成為網上嘅熱門話題,希望大家係當日平安。

一齊睇睇網民點樣回應外國記者喇!

「班人收咗錢,只會出嚟做嘢幾個鐘。無謂同佢硬碰,等佢走咗我哋先再出嚟。要保留實力。」

「好漢不吃眼前虧,比何君堯自己玩吧,大家不出現,他們白比維穩費。我們第二日才出來活動吧。」

「最怕就係一半人聽,一半一唔聽。到時出人又出得一半,咁勇武就仲危險。」


延伸閱讀►►►


黃夏蕙暗串何君堯?網民留言激讚「夏蕙bb」!

中國人毆打香港留學生?義守大學連儂門引爆中港衝突!

陳方安生HARDtalk表現只係正常發揮?講你聽佢有幾威水!

x

訂閱DailyView網路溫度計(香港版)電子報