現實版淪落人?印傭創網媒!網民:工人姐姐we connect

現實版文青淪落人?印尼女傭Yuli Riswati嚟香港打工十年,除咗出過書之外仲辦過相展。最近喺《反送中》運動入面經常拎住相機穿梭喺人群之中,為嘅就係可以傳遞更多消息俾印尼嘅朋友知道。

image source:FB/Warta Berita PTS 公視印尼語新聞

文/樂比

「反送中」運動持續至今,受到各國人士關注,例如韓國嘅演員金義聖、日本嘅Model平野鈴子。喺我哋身邊其實都有好多小人物值得我哋注意。除咗香港嘅公民記者之外,連喺香港工作多年嘅印傭都成立組織,希望將反送中的訊息傳遞出去!

而據明報報導,印尼女傭Yuli Riswati就好唔同咁喺今年3月佢成立咗印尼文網媒Migran Pos。不過成立初期,題材主要係印尼總統大選、Facebook新政策或者印尼領事館同埋印傭喺香港嘅活動等等,但到6月9號反送中103萬人遊行開始之後,令Yuli再次勾起對報道嘅興趣,甚至仲成立8人小組,為嘅就係將「反送中」嘅訊息傳俾同佢一樣喺香港嘅印尼朋友同埋喺家鄉嘅朋友。喺相關報道出街之後,網站嘅讀者都越來越多,除咗身邊朋友之外,連印尼媒體都又轉載佢嘅報導,令佢好有成就感!

image source:Facebook/Migran Pos

Yuli堅持Migran Pos嘅報導要保持一定嘅新聞水平,唔可以帶有個人意見,仲要確保唔可以又假新聞。而佢亦都6月9號開始喺反送中運動期間,不停拎住相機穿梭喺遊行集會人群之中,無懼催淚彈、被警察鬧、甚至被途人打過都堅持拍攝期間都唔著記者背心,雖然增加危險性,就係為咗唔想被懷疑係假記者。

印尼文慎入▼


39歲嘅佢已經嚟香港打工10年,佢除咗出過書之外仲辦過攝影展,喺上年(2018年)佢嘅作品仲喺「移民工文學獎」入面得到優選,當時仲受到「Warta Berita PTS 公視印尼語新聞」嘅訪問。


雖然一個禮拜先得一日假放,Yuli Riswati唔單止逢禮拜日都一定到場,平日佢都會忙裏偷閒,利用去廁所、行去街市嘅時間,用佢嘅文字同香港人齊上齊落。


而喺Migran Pos嘅Facebook都成日會update一啲關於反送中嘅Post▼

   


一齊睇吓LIHKG嘅網民又點睇啦:

「淪落人翻版?」

「工人姐姐we connect」

「外傭根本就鐘意香港,比起在家鄉搵食,香港個環境仍然理想好多」

「Btw 諗起淪落人有個攝影夢嘅Evelyn
Still human, Still dreaming! 」

「連香港過客都咁幫手,香港人唔好縮啦」

「萬事小心, 印尼姐姐CONNECTED」

「印尼姐姐有冇裝備 吸tg傷身呀」


所以,其實香港人成日會叫啲女傭做印印、賓賓,其實佢哋都對香港好有心!

下次不妨見到佢哋叫返聲姐姐,關心吓佢哋啦!


延伸閱讀:

黃夏蕙暗串何君堯?網民留言激讚「夏蕙bb」!

中國人毆打香港留學生?義守大學連儂門引爆中港衝突!

片/警察有份交稅就算係自僱人士?網民神回覆!

x

訂閱DailyView網路溫度計(香港版)電子報