片/香港人都鍾意聽普通話?光復香港,時代革命,中國勁爆連儂牆

香港人憎中國人?香港人睇唔起中國人?呢種講法,好似大家一直以嚟都係成日提起,個個都認同咁。尤其喺香港自6月起因為政府推行逃犯條例修訂二讀,激起咗「反送中」嘅大型抗爭社會運動,直至而家成100幾日都無見終結。哇,講明「反送中」喎,即係反哂成個中國喇?但呢種睇法,又似乎同社運事實唔符合喎!

Image source:IG/gogh9836

文/積遜猿

香港社運成100幾日,由最初嘅「反送中」,到「五大訴求,缺一不可」,以至「光復香港,時代革命」,真係歷經咗無數事件同變化。當中除咗有網民一致批評嘅中國官媒講法,其實香港人都好接受到中國人唔同嘅睇法,好歡迎佢哋真係用心了解香港社會現況。好似早前中國律師陳秋實,特登落嚟香港感受社運,成為網民熱門話題 。

陳秋實咁受香港人歡迎,話佢係中國良心,仲相當擔心佢返中國之後會出事,見佢俾中國網路封殺都熱心聲援。邊個話香港人盲反中國?近排又有中國良心上傳咗條片,名為「致香港手足語音連儂牆」,片長5分18秒,入面係嚟自五湖八海嘅中國人,錄低咗佢哋支持香港社運嘅心聲,令好多香港人都相當感動,成為網路熱議嘅話題。

到底有幾多中國人支持香港社運?片段中先以字幕打出「光復香港,時代革命」,指出「請讓我們通過語音連儂牆來支持你們」,然後開始有唔同方言、口音嘅聲音,天津、河南、山東、上海、陝西、四川等,都聲言「我哋都係香港人」。佢哋唔單止講「五大訴求,缺一不可」,仲有相當多令香港人催淚嘅句子,唔怪得網民話條片有「有洋蔥」喇!


「我哋要更加團結,同樣希望你哋注意安全,只有注意安全先能夠長久嘅,爭取你哋想要嘅嘢。加油。」

「你哋係度維護嘅,也就係我哋所冇嘅嘢,也正係我哋大陸人最想要嘅嘢。」

「你哋喺前線三個月了,我想你哋應該好辛苦,受咗好多不公正嘅對待,我哋會陪著你哋一齊,我哋雖然喺後方,你哋喺前方,但,我們一齊加油。」

Image source:IG/gogh9836

唔知得條片,佢哋仲有個網上連儂牆「妄議熱線連儂牆」,入面有大量嘅中國朋友留低嘅句子,句句都力撐香港。唔止呢個網站,連IG都有連儂牆,入面有好多中國人Post咗自己護照,加埋支持香港嘅文字,都相當令人感動。我哋一齊睇睇網民到底點樣講喇!


「呢條係我最樂意聽哂既普話。」

「原來唔鹹唔淡嘅廣東話都可以咁好聽,多謝!」

「有幾個大陸人都叫前線手足注意安全,但其實最危險嘅係佢地。」


延伸閱讀►►►


香港警察酷刑毒打示威者?國家特赦組織實地調查結果令人震驚!

何君堯號召三萬人拆連儂牆!外國記者話沙田921再現元朗721

屯門Happy伯年派三十萬,網民竟讚心水清?

x

訂閱DailyView網路溫度計(香港版)電子報