片/新‧男人的浪漫: 叉雞飯取代咗豆腐火腩飯?

2019-09-20

2127Views

呢幾日網絡上突然興起叉雞飯,熱門程度令人不禁諗返起之前被連登仔捧上神檯,被喻為「男人的浪漫」嘅豆腐火腩飯。究竟叉雞飯會唔會成為新一代嘅男人的浪漫呢?

Image Source: Youtube 截圖

文/牙菜

提起男人的浪漫,好多人第一時間諗起嘅,應該都係2014年出現喺潮文嘅豆腐火腩飯。嗰篇文深刻咁描寫出一個男人,喺大排檔或者茶餐廳入面,自己同豆腐火腩嘅嗰種共鳴。連鄭子誠都被呢篇文打動,要幫主角嚟個深情演繹:


   


而最近喺網絡上,突然興起「叉雞飯啊!____!」呢句句子.呢一句原來係出自於一條喺9月15日拍嘅影片,一位聲音聽上去係中年大叔嘅男人落街食飯,點知就遇上防暴警察。

*影片內容含有粗口成份,慎入**

 

雖然條片係就係多粗口咗啲,但個精粹在於阿叔對叉雞飯嗰一種嘅執着、堅持。縱使出面槍林彈雨,有防暴警察駐守,都無阻佢要入去餐廳坐低,享受佢嘅叉雞飯。如果話豆腐火腩飯係同青島啤一齊嘅,咁對阿叔嚟講,叉雞飯嘅絕配一定係凍檸茶。食完個飯飲返杯清清地嘅凍檸茶,開會胃得嚟又消濟,咁就唔洗驚反胃啦。

 

呢段叉雞飯令到好多網民都勾起回憶,忍唔住落街買個叉雞飯嚟食。佢地都有upload上唔同嘅平台,同大家一齊分享呢個香港人對叉雞飯嘅感情。


Image Source: LIHKG截圖

Image Source: LIHKG 截圖


比起豆腐火腩飯嗰種文青得嚟麻甩,叉雞飯有嗰種阿叔獨有嘅直白、貼地語氣,包含住對品質嘅要追求同堅持。咁究竟新‧男人的浪漫應該花落誰家?筆者就覺得見人見智喇。


延伸閱讀►►►


片/大J又挑機!爆警察金句回應死亡恐嚇!

片/831警方發出反對通知書!大J 決定舉辦七周年觀衆見面會

片/當大J和達哥相遇?網民熱議大J最新影片無視達哥


x

訂閱DailyView網路溫度計(香港版)電子報