付國豪成為「英雄」?《環時》獎勵十萬,網民郵寄零食堆滿位

《環球時報》總編胡錫進尋日(9月22日)喺微博出post,話召開咗《環球時報》嘅「香港報導表彰會」,其中喺機場俾示威者包圍、踢打嘅付國豪,獲得10萬人民幣嘅獎金。睇返較早前,中國網民對付國豪嘅評價,大讚佢「勇敢」之餘,仲寄好多嘢飲嘢食畀佢,待遇就好似一個「凱旋歸來」嘅「英雄」。

Image Source:網路流傳圖片(取自「LIHKG」討論區用户社會學研究生)

文/偉文

付國豪,《環球時報》嘅一名記者,因為喺機場影示威者大頭而被包圍、索帶綁手以及踢打。其後有流傳話佢冇記者證、拎旅遊簽證於港工作、逾期居留、多張證件姓名不一等等嘅消息,懷疑付國豪係違反多條香港法例,但佢後續都冇俾人拉到、控告。

付國豪依件事被中國媒體廣泛報導,中國網民亦普遍接受佢被媒體塑造嘅「英雄」形象,仲傳泛流傳佢喺被示威者包圍時講過嘅一句:「我支持香港警察,你們可以打我了。」

付國豪返到中國之後,依然得到好多網民嘅關注,喺大眾媒體亮相嘅機會亦好多,大大小小嘅訪問、專訪都未停過。喺尋日(9月22日),付國豪又再收到中國網民廣泛關注,事源係《環球時報》總編胡錫進喺微博出post,話召開咗《環球時報》嘅「香港報導表彰會」,而付國豪就拎到最大獎,有10萬人民幣獎金。

Image Source:微博:胡錫進頁面截圖


消息引起中國網民討論,post下面嘅留言入面不乏稱呼付國豪為「民族英雄」,仲話佢嘅行為係可以為中國帶嚟幸運咁話。

其實付國豪要復工之前,就已經牽起過中國網民嘅討論,原因係有好多中國人寄啲嘢飲嘢食畀佢,數量多到堆滿晒工作枱。環球網將付國豪工作枱嘅相post上網,仲整個「付國豪工位」嘅hashtag,引起好多網民傳載、分享。


▲▼Image Source:微博:環球網


睇到中國網民對付國豪咁愛戴,唔知香港人又點睇呢?


延伸閱讀►►►


大批警察轉用微博? 「感受到來自内地同胞的熱情」

片/新‧男人的浪漫: 叉雞飯取代咗豆腐火腩飯?

片/三上悠亞跳啪啪啪舞,大J拍咗個示威者版本?



x

訂閱DailyView網路溫度計(香港版)電子報