鄺俊宇受襲,網民震驚「殺到埋身」!

鄺俊宇於今日(9月24日)早上於天水團遇襲,引來市民廣泛關注。民主黨代表指兇徒襲擊鄺俊宇時持有攝影器材,唔排除係有人買兇,錄影係要用嚟交代。

image source:Facebook:鄺俊宇 Roy Kwong

文/偉文

因為「反送中」運動而廣受香港市民愛戴嘅鄺神,鄺俊宇,於今日(9月24日)早上遇襲。香港市民先後經鄺俊宇嘅Facebook page獲得消息。

▲▼鄺俊宇嘅Facebook page 先後發佈鄺俊宇遇襲消息。


其後民主黨林卓廷同涂謹申代表向公眾交待事件,講話鄺俊宇係喺天水圍濕地公園附近嘅健康院停車場,受到3名人士襲擊,而其中一名係持有攝錄器材。鄺俊宇被3人拳打腳踢,後頸亦俾人用腳踢到受傷。
民主黨代表指出不斷有民意代表受到襲擊,懷疑事件係有人為咗影響「反送中」運動而進行;而今次鄺俊宇遇襲有人攝錄係好唔尋常,質疑係咪有人買兇,紀錄係用嚟交代、收錢。


最新消息係由民主黨Facebook page(民主黨The Democratic Party)發佈:

鄺神依家係急症室接受治療,準備做腦掃描及照頸椎X光,意識清醒,大家不用太擔心。

見到鄺神受傷,好多市民都好擔心,紛紛留言祝福,希望冇事。仲有唔少人表示係殺到埋身,連鄺神都搞,大家出門要小心。

香港人,加油!


延伸閱讀►►►


民主建制勢不兩立? 反送中十大討論度最高的立法會議員

片/《鏗鏘說》係咩節目嚟?《鏗鏘集》風波引起網民力撐

唔勇武嘅鄺俊宇點樣成為連登仔口中嘅「英雄」?

x

訂閱DailyView網路溫度計(香港版)電子報