片/香港義士逃難到台灣之後:三封令香港人淚流滿面嘅家書

香港自6月起因應「反送中」逃犯條例而引起嘅社會運動,至今仍然未見結束,持續超過100日。呢100日之中,香港社運發生咗好幾件里程碑嘅大事,深深咁刻入咗香港嘅內心。其中,好似元朗7月21號白衫人無差別恐怖襲擊香港市民咁,真係令成個社會運動改變咗,大家對警方失去信任。而你記唔記得,喺7月仲發生過另一件大事呢?

Image source:YouTube/第十五次民間記者會精華片段 - 從台灣寄出的香港家書(1/3)

文/積遜猿

香港7月1號凌晨,多名香港嘅示威者本身只係諗住去灣仔金紫荊廣場,打算喺香港特區成立紀念日升旗儀式嗰陣抗議,但係警方人數太多,行動並唔成功。去到妟晝,佢哋將目標轉去立法會綜合大樓,撞爆咗門口嘅落地玻璃。約莫夜晚9點,警方突然撒退,幾十位示威者就趁住呢個機會衝入大樓。當警方打算再次清場時,有4位示威者堅持留守,最後都喺12點前畀其他示威者抬走,事件冇人被捕。

事件無耐,就有傳參與呢件事嘅抗爭者,有數十位去咗台灣逃難,以免被警方拘捕。喺9月25號,香港嘅民間記者會入面,發言人含淚讀出咗三位早前逃亡台灣嘅示威者家書。好多網民都話聽到淚流滿面,我哋一齊聽聽佢哋讀呢三封家書嘅影片:

呢三封家書,都不約而同咁重複咗一個內容,就係「對唔住」。佢哋覺得自己對唔住香港人,因為佢哋離開咗香港,見證住香港有好多人都被傷害,而佢哋無方法幫手,「我感到羞愧和無地置容」。「我只係一個普通而且平庸既香港人,我只係好愛香港。」家書亦引述香港本土派政治人物梁天琦嘅句子:「黎明之前嘅黑暗,係至黑暗嘅。真係好黑暗,但係黎明即將會來臨。」

三封香港家書,勾起無數香港人嘅回憶,原來唔經唔覺已經距離當日衝入立法會咁耐。唯一不變嘅,係香港社運仲係堅持相同嘅理念,繼續抗爭落去。好多網民都話,唔係佢哋對唔住香港人,而係香港人到今時今日都未接到佢哋返嚟,香港人先要同佢哋講對唔住。
我哋一齊睇睇網民喊住咁講咩:

「佢用既字粒粒字都令人好心痛好沉重!」

「希望大家睇完都可以share比身邊既人,將義士想提比大家既信息spread比每一個人。」

「手足,我地一定會帶你地返香港,一齊返屋企。」


延伸閱讀►►►


日本真係咁美好?網民大爆日本工作辛酸史,慘過香港做社畜!

《淪落人》真的「淪落」了!今年奧斯卡拍板提名《掃毒2》!

民主建制勢不兩立? 反送中十大討論度最高的立法會議員

x

訂閱DailyView網路溫度計(香港版)電子報