片/國際特赦組織正面抽擊特首!對話嘅努力竟然換嚟呢兩個字?

香港自6月起因為「反送中」逃犯條款引發嘅社會運動,至今已經超過100多日。香港特首林鄭月娥面對呢場史無前例嘅社運,民眾對政府嘅信任度跌到新低點。9月4號,特首正式宣布動議撤回逃犯修訂條例,向示威者釋出善意,但係大多示威者堅持「五大訴求,缺一不可」,社運未見降溫。特首喺9月26號舉辦咗一場喺灣仔嘅伊利沙伯體育館,舉辦「社區對話」,話要聆聽各界意見。

Image source:YouTube/林鄭月娥灣仔伊利沙伯體育館首場「社區對話」截圖

文/積遜猿
香港特首林鄭月娥面對香港社運持續不息,早喺8月已經開始宣傳要搞社區對話,希望同社會各界交流、對話,聆聽大家嘅諗法,為社會矛盾、衝突尋求解決嘅方法。9月26號,香港特首連同四位政府高官,喺灣仔嘅伊利沙伯體育館,舉辦社區對話,俾在場嘅150位市民抽籤發問,每人限三分鐘,再由特首一併總結回答。

呢次社區對話,有成兩萬幾人申請,不過名額有限,最後喺呢兩萬幾人抽出150名市民。而呢150名市民,總 共抽出咗30位發言,其中好多發言嘅市民,都直接批評香港政府嘅施政,認為特首「搞到全港天怒人怨,管治無能」,甚至在場不少人都一齊高叫「五大訴求,缺一不可」。特首林鄭月娥就話,政府好關心年青人,仲話各界都有唔同聲音,政府要顧及大家嘅諗法,重申政府有底線,唔可以接受所有要求。

香港特首林鄭月娥,自6月起至今,9月24號係首次正式走入社區,嘗試對香港市民對話。不過,香港市民似乎對呢埸對話唔太滿意,尤其喺對話結束之後,場外有近千名香港示威者堵塞館外,令到特首喺對話結束後成粒鐘都走唔到。立場記者林彥邦甚至喺個人FB批評特首:「留意,是態度,而不是內容,事實上她對市民發言的內容不不屑一顧。」

國際特赦組織香港分部,喺特首社區對話完結之後,即時發咗兩張圖,英文版寫:「I AM ALLERGIC TO BS TELL HER」;中文版則係:「和平集會我有權 廢話少講街上見」。網民話佢哋用「BS」同「廢話」形容呢次對話成果,仲叫大家走上街頭示威,真係正面抽擊!

喺9月27號,國際特赦組織香港分部搞咗場大埔中學生分享會,話「坐喺度聽講座有咩用?有呀!裝備人權知識,然後喺生活中實踐權利」。真係全世界嘅水都俾佢哋抽乾哂,難怪網民見到都笑到腸都跌埋出嚟,係咁問:「國際特赦係咪痴咗線?」


延伸閱讀►►►


片/香港義士逃難到台灣之後:三封令香港人淚流滿面嘅家書

日本真係咁美好?網民大爆日本工作辛酸史,慘過香港做社畜!

《淪落人》真的「淪落」了!今年奧斯卡拍板提名《掃毒2》


x

訂閱DailyView網路溫度計(香港版)電子報