片/香港特首社區對話疑造馬?網傳發言撐警市民竟然係休班警!

香港自6月至今,因應「反送中」引起嘅社會運動已經持續100多日。而喺9月26號,香港特首林鄭月娥正式舉辦咗一埸「社區對話」。呢場對話喺灣仔嘅伊利沙伯體育館,晚上7點到9點半,由兩萬多名市民抽出150位香港人,即場抽出三十位嚟自不同領域嘅香港市府發言,再由特首一併回應。不過,香港政府今次對示威者釋出嘅善意,似乎備受網民質疑⋯⋯

Image source:FB/林鄭月娥 Carrie Lam

文/積遜猿

9月4號,香港特首林鄭月娥正式回應香港社運的「五大訴求」之一,動議撤回逃犯修訂條例,但係好多香港人都唔收貨,話拖到今日,已經係「缺一不可」,要求政府答應埋其他訴求,否則絕不罷休。9月24號,香港政府舉辦嘅社區對話,由特首林鄭月娥連同四位政府高官,喺灣仔嘅伊利沙伯體育館同大家對話,仲抽咗三十名市民對話,其中有市民發言撐警罵示威者,就俾人發現咗佢嘅特殊身份。


根據影片可見,該位市民話7月1號之前都好和平,又話大家可能對警方、示威者可能有誤解,佢就分享咗幾個事例,好似話有示威者禁錮司機、旅遊業嘅情況慘淡同埋有屋企因為政見唔同而爭執。佢反問大家:「香港有冇必要去到一仗功成萬骨枯嘅地步?」佢亦都認為呢場社區對話唔會有咩成效,話嚟到純粹只係想聽大家意見,重申無人想見到要用暴力解決問題。 佢又講佢哋果代已經做咗好本份,希望後生仔自己三思而後行喎。

Image source:LIHKG

其中,呢位市民最引起網友嘩然嘅,係佢講出:「我平時行警署,有警察巡邏嘅地方,從來都唔會驚。但係我而家見到一班黑色衫戴住口罩,圍埋一齊叫囂,我真係驚。」無耐,就有網友勁有磨擦力咁指出,呢位市民好似係一位高級督察嚟喎!佢哋仲Cap埋圖,話證據就係佢哋上唇同一個位置有粒墨!哇,睇嚟呢位網友真係金睛火眼喎。唔知大家覺得似唔似呢?

如果佢真係警察,咁根據《警察通例》第6-01章34段

警務人員應經常避免參與任何足以影響其公正執行職務的活動或任何可能使市民誤會會影響其公正執行職務的活動,尤其不能參與本章開首所界定的政治活動。

「政治活動」包括:

(a) 支持或參與政治團體的政治活動;

(b) 非為執行職務而公開發表政治言論(包括向傳播媒介發言);

(c) 派發政治刊物;

(d) 為任何候選人的政治觀點或競選政綱宣傳或辯護;

(e) 為政治團體拉票或助選


其中(b) 分行話明佢哋唔可參與「非為執行職務而公開發表政治言論(包括向傳播媒介發言)」。如果網友猜測無錯,佢就真係錯咗喇!網民似乎都一致認為證據確鑿,睇睇佢哋點講:

「連答問會既市民都要扮,警賊無恥呀!」

「果堆佢D下屬黎,點會驚。」

「好肉酸,驚就辭職啦!」


延伸閱讀►►►


片/國際特赦組織正面抽擊特首!對話嘅努力竟然換嚟呢兩個字?

片/香港義士逃難到台灣之後:三封令香港人淚流滿面嘅家書

日本真係咁美好?網民大爆日本工作辛酸史,慘過香港做社畜!

x

訂閱DailyView網路溫度計(香港版)電子報