連登被國家級嘅DDoS攻擊,網民擬定被「熄登」嘅緊急後備方案

喺香港「反送中」運動入面,「LIHKG」討論區(俗稱「連登」)一直都係資訊傳播嘅一個重要平台,唔少相關嘅示威資訊、即時消息同埋新聞都會喺連登上面傳播、討論。而喺10月1日,唔少網民表示不時上唔到「連登」,懷疑又係被國家級嘅大型DDoS攻擊,網民隨即廣泛傳播「熄登」嘅緊急後備方案。

Image source:「LIHKG」討論區頁面截圖

文/偉文

喺逾三個月嘅「反送中」運動入面,「LIHKG」討論區(俗稱「連登」)係至關重要嘅一個資訊傳播、討論平台,「連登巴絲」更係運動入面嘅重要一群。

一個喺「反送中」起咗咁大作用嘅討論區,梗係成為示威者嘅「對家」指責,更甚係攻擊嘅對象。「連登」除咗畀好多「藍絲」話係「曱甴集中地」之餘,仲成日遭受到各種類型網絡攻擊。喺8月31日至到今日(10月1日),「連登」不時被國家級大型DDoS攻擊,攻擊者企圖以影響討論區運作嚟阻礙「反送中」運動嘅進行。

尤其今日(10月1日)係「新中國」嘅國慶,重要日子,「連登」亦被重點招呼,唔少網民都表示一朝早起身就上唔到「連登」。其後有人表示係係app「死咗」,但網頁版仲用到,但普遍都呼籲大家要有準備隨時「熄登」,即係連登「被關閉」。 

有網民就推薦話如果依家上唔到「連登」,可以試吓裝Cloudflare,暫時可以上到,叫做頂住先。

如果搞到最後都真係唔得,真係「熄登」嘅話,仲有一個緊急嘅後備方案:

就係用Twitter加hashtag  #LIHKG #LIHKG101

Image source:網路流傳圖片(取自「LIHKG」討論區用户「自私的施治

又或者係上reddit嘅連登討論。

雖然大家都有晒plan去應付「熄燈」,但係大家事實上對連登admin都好有信心,話小小一個討論區可以頂得住國家級嘅DDos攻擊,真係辛苦咁多位連登同事。


香港人,加油!


延伸閱讀►►►


多圖/台灣929大遊行,十萬人齊撐香港!

無大台點樣抗爭?用大數據睇香港示威者點用手機be water

被《時代》選中嘅連登仔!同特朗普齊名,網上最具影響力25個人


x

訂閱DailyView網路溫度計(香港版)電子報