港人幫忠犬八公銅像上gear係破壞文物?網民留言話「少見識」

香港「反送中」運動持續咗過百日,除咗喺香港不斷有示威行動之外,唔喺香港嘅香港人亦都以唔同嘅方式,喺世界各地進行聲援,並將對世界表達香港嘅聲音。而喺最近,有港人喺日本東京到幫忠犬八公銅像「上gear」,仲擺埋「光復香港,時代革命」嘅標語,引嚟廣泛討論。

Image source:flickr:bryan...

文/偉文

喺「反送中」運動進行期間,好多香港人都身在外地,唔能夠親身參與示威行動,不過佢哋都有以唔同嘅方式聲援香港。更加有唔少人係以唔同嘅語言,向世界講解香港發生緊咩事,示威者有咩訴求。

近日,有香港人就喺日本東京嘅澀谷到幫忠犬八公銅像「上gear」,幫銅像戴安全帽同防毒面罩,十足「反送中」示威者嘅裝扮。銅像前仲擺咗「光復香港,時代革命」嘅標語,明顯係向日本人宣傳有關香港「反送中」嘅訊息。

但依張圖就引嚟唔少網民嘅討論,個post底下都散見唔少日文嘅責怪留言,疑似係日本網民指責港人唔尊重銅像同文物。除咗喺Twitter依個post之外,香港「LIHKG」討論區同台灣「PTT」都有港台網民熱烈討論,唔少人都話搞到人哋重要文物係唔好嘅行為,做依樣嘢嘅係「豬隊友」。

但亦有熟知日本文化嘅網民話幫忠犬八公銅像裝扮吓根本好小事,日本人都成日做,唔好唔知頭唔知路就衝出嚟,唔啱睇咪清咗去囉,唔好講到又破壞文化、文物咁。乜原來幫忠犬八公銅像裝扮係好小事?一齊嚟睇吓日本人係點幫忠犬八公銅像扮靚靚:

唔少網民仲話Twitter原來嗰個post底下嘅留言好鬼,睇返啲AC嘅資料,應該係日本嘅「親中人士」同埋留日中國學生,叫香港人睇吓就算喇,唔好咁易割蓆。 

又講到話,無傷大雅嘅嘢可以做,真係破壞人哋文物同文化嘅嘢就唔好做,唔好為咗個人己見就唔尊重其他國家嘅文化、規矩,好似掛喺神社嘅祈福牌就真係唔好搞啊。


延伸閱讀►►►


連登被國家級嘅DDoS攻擊,網民擬定被「熄登」嘅緊急後備方案

多圖/台灣929大遊行,十萬人齊撐香港!

片/香港特首社區對話疑造馬?網傳發言撐警市民竟然係休班警!





x

訂閱DailyView網路溫度計(香港版)電子報