大家仲記唔記得光頭劉Sir嘅英姿呢？劉Sir呢幾日除咗去佢由細到大最想去嘅萬里長城之外，仲被受邀出席中國70周年國慶嘅閱兵儀式，開心到不斷喺微博上同佢嘅Fans分享㖭！
片／光頭劉Sir成為大陸新網紅？10.1閱兵微博吸62萬粉絲
image source：微博/香港光頭警長
文／樂比
「光頭Sir」劉澤基警長任職於警務處機動部隊，喺7月30日晚上葵涌嘅警民衝突用一支散彈槍瞄準示威者，舉槍成名！網民喺網上一路流傳佢嘅相，網民仲話佢呢個動作隨時一唔小心就會殺死人。但另一方面，佢亦都成為內地官方宣傳重點，令佢喺大陸網上瞬間爆紅！
▼而喺9月17日光頭劉sir開始用微博同佢廣大嘅大陸Fans互動～
而家已經有成63萬個Fans喇！
image source：微博/香港光頭警長
▼中秋前夕仲有內地Fans送月餅俾劉Sir㖭！令到劉Sir好感動呀～
image source：微博/香港光頭警長
而喺今日（10月1日）北京嘅70周年國慶活動，佢幾乎係受邀名單中最備受矚目嘅香港警員。佢亦都喺微博度表示：「閱兵！不只是國力的表現！也是國民教育！也是令青年人明白中國今天成就如何努力得來！💪💪💪」
而香港網民同大陸網民對佢嘅睇法就好兩極喇，一齊嚟睇睇：
香港網民點睇？
「直接係上面做埋公安啦」
「佢個直屬上級都幾頭痕 馮旨比佢攞假去中國玩」
「支持一世唔好返香港，咁就皆大歡喜」
而大陸網民就話：
「平时就很帅了，但是今天更更更帅了」
「哇，欢迎欢迎，我正在看授勋，希望刘sir以后也能到大会堂授勋哦」
「欢迎到北京。给香港传递正能量，让迷途小孩回正轨。」
佢之前曾經喺訪問中講到佢由細到大都好期待可以去萬里長城，亦都好期待可以睇今次嘅閱兵、火箭、坦克、大砲。另外，亦表示依家喺香港搞破壞嘅都係學生，佢認為喺依家香港教育出咗好大嘅問題，亦都唔希望自己嘅小朋友喺咁樣嘅環境下長大，希望佢嘅仔女可以返去祖國嘅懷抱，價值觀會比較好。
延伸閱讀：
港人幫忠犬八公銅像上gear係破壞文物？網民留言話「少見識」