張敬軒衰乜嘢?一個post引嚟香港人狂負皮?

2019-10-02

3905Views

尋日(10月1日),張敬軒久違咁更新咗微博,內容係祝賀中國國慶70周年,隨即引起粉絲、網民熱議。張敬軒係咁敏感嘅情況下出咗個咁嘅post,自然有人歡喜有人失望,佢嘅微博上中國粉絲一片歡騰,而Instagram則係罵聲不絕。

Image source:Facebook:張敬軒 Hins Cheung

文/偉文

香港「反送中」運動唔單止令到社會撕裂,更加因為資訊、消息唔對等嘅原因,亦令到中港民眾嘅盾矛加劇。喺咁嘅情況底下,藝人明星嘅處境相當尷尬,企喺邊一面都唔係,成日搞到裡外不是人。

尋日(10月1日),係新中國成立70周年嘅國慶,張敬軒嘅官方微博有久違嘅更新,出咗個post祝福中國生日快樂。 

Image source:微博:張敬軒Official頁面截圖

 

張敬軒平日唔係好喺微博到出post,今次出依個post引到中國粉絲開心到不行啊,底下嘅留言一片歡騰。

Image source:微博:張敬軒Official頁面截圖


中國粉絲開心,但香港嘅fans就唔多高興喇,仲紛紛割蓆啊。點解啊?唔少網民就話張敬軒之前係撐「佔中」嘅,依家連佢都「跪低」埋,真係好失望好心痛。

於是一大批網民、fans上去張敬軒嘅Instagram到「爆seed」,喺最新嘅一個post到,指罵、質問、安慰……嘅留言不斷,其中不乏人問張敬軒仲記唔記得有句歌詞係:「一天人權漸公正」。

▲張敬軒最近嘅post成為「戰場」。


面對網民、fans嘅責罵,張敬軒出咗個story,而且由尋晚到今朝都喺到覆訊息,似乎係捱咗成晚夜mon post。以下係嗰個story嘅截圖同埋節錄咗幾個張敬軒嘅回覆: 

▲張敬軒最近嘅story,大概意思係:「抵鬧,鬧得好。」

Image source:Instagram:hinscheung

▲▼Image source:Instagram:hinscheung頁面截圖


睇到張敬軒因為出咗個慶祝中國國慶嘅post而成為眾矢之的,受到唔少fans嘅批評,有網民就話依次好明題係公關問題,唔怪得軒仔。又講話,如果微博出依個生日post就等於「跪低」,咁同「對家」講爭取「五大訴求」即係「港獨」有咩分別?不過又有網民話佢咁好明顯係為錢,就算係公司小編出嘅post都唔抵幫,佢有啲嘢係有得揀,唔好講到身不由己咁。

咁嘅時勢,真係做咩都好艱難啊!香港人,加油啊!


延伸閱讀►►►


片/光頭劉Sir成為大陸新網紅?10.1閱兵微博吸62萬粉絲

港人幫忠犬八公銅像上gear係破壞文物?網民留言話「少見識」

連登被國家級嘅DDoS攻擊,網民擬定被「熄登」嘅緊急後備方案


x

訂閱DailyView網路溫度計(香港版)電子報