巴黎時裝週都Full Gear上陣?網推:光復香港 時裝革命

10.1你只會諗到黃金週或者國慶?其實10.1都係巴黎時裝週嘅日子,有一名Model著住反送中運動訴求嘅Full Gear服裝同香港人一齊We Connect,好多網民都話係見過史上最好睇嘅時裝!

image source:LIHKG

文/樂比

噚日除咗係中國回歸70週年嘅日子之外,而10月1號其實喺巴黎都舉行咗一個時裝週嘅活動。喺巴黎大皇宮外面,有一名Model著住反送中運動訴求嘅Full Gear服裝喺CHANEL及LV場外行catwalk,同香港嘅示威者一齊We Connect做個呼應。

image source:LIHKG

呢一名非洲的Model——Medise戴住香港前線示威者必備嘅「豬嘴」、上身搭配黃色Free Hong Kong 字樣嘅上衣,下身則搭配咗「五大訴求 缺一不可」口號嘅長褲,完全潮到爆啊!

RFA報導Medise其實係被佢嘅香港朋友所感動,佢了解到現時發生喺香港嘅問題,亦對於香港人依家正對抗超級強勢中國,不公正等嘅事情,願意一齊為香港做返啲嘢。

▼▲image source:LIHKG

而呢個活動其實係由居法港人撐香港組織所舉辦嘅,而負責人陳小姐(Ester Chan)就表示希望可以透過時裝週令唔同領域嘅人睇到香港人嘅抗爭訴求:

10月1號,是法國兩大品牌在時裝週的亮點。我們想藉著這個機會,讓不同領域的人知道香港為爭取自由和民主已經奮鬥了將近四個月。這次表演邀請一位舞蹈演員做我們的模特兒,她穿著我們特製的衣服,鮮明的顏色,以及衣服上寫著Free Hong Kong 和「五大訴求缺一不可」,都會讓人聯想到香港的抗爭者,希望用不一樣的表達方式向世界展示我們爭取訴求的決心。10月1日雖然是香港法定國慶日,但在香港人心目中,10月1日未必會是我們理想的慶祝,或是會開心的國慶日。所以希望能藉時裝周和中國國慶日,來加強表達香港人的訴求。也是舞者的模特兒穿著寫有“香港自由”的綠色上衣、白色長褲,兩個褲管上分別寫著「五大訴求缺一不可」,褲角也用中英文寫著香港的字眼。她在會場外隨音樂跳起了舞蹈。

而連登嘅網民見到之後,個個都話型到爆啊!一齊嚟睇吓佢哋點講:

「估都估唔到 遍地開花」

「點解可以咁型」

「當件事真係上升到某一個層次
係可以突破語言 文字
之前我地咁辛苦整外國文宣
依家外國人識得直接寫「五大訴求 缺一不可」
香港人做緊一件偉大嘅事」

「見過史上最好睇嘅時裝」

「點解佢可以著得咁好睇」

「文宣要整首多謝外國既歌!!!」

「光復香港 時裝革命」

延伸閱讀:

張敬軒衰乜嘢?一個post引嚟香港人狂負皮?

片/光頭劉Sir成為大陸新網紅?10.1閱兵微博吸62萬粉絲

港人幫忠犬八公銅像上gear係破壞文物?網民留言話「少見識」

x

訂閱DailyView網路溫度計(香港版)電子報