片/少年喺電光火石間疑似中兩槍?網民怒斥等同謀殺!

喺尋日(10月1日),發生咗「反送中」運動期間第一宗示威者身中實彈嘅事件,中槍示威者證實係一名中五學生。警方事後稱警員開槍係「合理合法」,因為中彈少年當時威脅到警察生命,但好多香港市民就唔認同警方嘅說辭,加上有消息指少年實際係身中兩槍,紛紛表示警員行為等同「謀殺」。

image source:「LIHKG」討論區用户「襄王有夢」圖片

文/偉文
尋日(10月1日)係「新中國」成立70周年嘅國慶,但好多香港人都開心唔嚟,事源係尋日發生第一宗示威者中實彈嘅事件,而中槍嘅示威者仲只不過係一個中五嘅學生。


而其他警務處處長盧偉聰面見記者時就話警員開槍係「曾警告但無效」,又話係「生命受嚴重威脅,逼於無奈使用佩槍」、「做法合法及合理」。而且喺其他片段可以睇到,警員開槍後係無即時確認中槍示威者嘅情況,而係相隔約三分鐘先去檢查。


好多市民睇到相關嘅直播片段,再比對警方向公眾形容嘅情況,紛紛表示警方講法「太離譜」,指責警方應該有錯就要認。

加上美國共和黨海外事務組織副主席俞懷松(Solomon Yue)在Twitter到開咗個post,講話少年疑似係中咗兩槍,仲話搵咗專家睇咗CT scan,顯示係有兩個彈頭。

Solomon Yue嘅post一出,即刻引起廣泛討論,唔少網民起勢loop相關片段,試圖搵到蛛絲馬跡。有網民話如果依個消息證實係真嘅話,咁樣都連開兩槍,警員就唔係「自衛」,而係「謀殺」。

不過喺依個消息未確認嘅當刻,睇到警員近距離開實彈打左胸,CT scan顯示子彈只係相距心臟3cm,好多香港人都已經嬲到震。不過好彩嘅係中槍少年接受手術之後,情況由危殆轉為嚴重,暫時無生命危險。

唔理咩立場,希望受傷少年早日康復!

香港人,加油!


延伸閱讀►►►


巴黎時裝週都Full Gear上陣?網推:光復香港 時裝革命

張敬軒衰乜嘢?一個post引嚟香港人狂負皮?

片/光頭劉Sir成為大陸新網紅?10.1閱兵微博吸62萬粉絲





x

訂閱DailyView網路溫度計(香港版)電子報