警察一句鬧晒3分1港人! 屋邨仔女真係無地位?

10月2號夜晚,大圍田心警署爆發衝突,期間有記者影到一位後生嘅警察,公然挑公屋住戶機!香港公屋咁多,咁究竟佢得罪幾多個住公屋嘅香港人?屋邨仔女出身係咪真係冇地位呢?

image source: Facebook: 立埸新聞直播 (截圖)

文/牙菜

10月2號夜晚,警方喺大圍站附近拉咗一名男子,之後就有大批街坊到田心警署抗議。衝擊期間雙方可以話係粗口滿天飛,而喺互相罵戰期間,有一位年輕警察突然喺路邊到爆Seed鬧…

而阿sir呢一句:「你住公屋有乜 X 嘢地位」,成功地向住公屋嘅網民挑機!究竟喺香港,住公屋嘅有幾多人呢?嗱,跟據2019年6月《房屋委員會公共租住房屋人口及住戶報告》顯示,香港目前就有大約78萬個住戶,總共就有211萬個公屋居民!足足係香港7分2嘅人口!


image source:房屋署統計組:《房屋委員會公共租住房屋人口及住戶報告》 (截圖)


其實,住公屋又有咩地位呢?就喺今日(10月3號)晏就,前TVB新聞主播,依家係自由工作者嘅方健儀Akina,就開咗post表示自己以住過公屋為榮

除咗方健儀之外,李慧詩嘅「牛下女車神」稱號就更加係個個都知。佢喺2012年奧運自由車女子競輪賽中贏得銅牌,係香港歷史上第三面喺奧運會中贏得的獎牌,亦都係繼李麗珊之後,第二位出生於香港而喺奧運中贏到獎牌嘅運動員。而稱號入面嘅「牛下」,其實就係指佢自小成長嘅牛頭角下邨。但佢個Facebook page就喺琴日(10月2號)出咗個post疑似叫香港人要小心之後,無啦啦就被消失...


image source: Wikipedia:李慧詩

最後一個要介紹嘅,就係香港上世紀最多人認識嘅「許氏四傑」──許冠文、許冠武、許冠英、許冠傑。佢地四位都喺娛樂圈有祟高嘅地位。而他們一家亦都喺1960年代搬到蘇屋村。


屋邨出身嘅名人有好多,數都數唔晒。其實就好似方健儀咁話:「修養比金錢更加重要」,屋邨仔女一啲都唔失禮啊!



延伸閱讀►►►


片/澳洲記者狂串小粉紅爆紅!最新消息話俾政府告五條罪?

片/地表最強演說! 港外網民都we connect!

片/少年喺電光火石間疑似中兩槍?網民怒斥等同謀殺!



x

訂閱DailyView網路溫度計(香港版)電子報