片/CatGirl轟兩公婆食在香港抹黑?Bob叔忍唔住出聲!

香港嘅YouTuber好多,好似呢幾個月本身已經好紅,而再次深受香港人歡迎,社運型YouTuber嘅大 J 之外,飲食界嘅網紅都非常多。香港人最鍾意飲飲食食,個個都想出街食嘢識飲識食,於是就有好多香港人會選擇睇網路嘅食評介紹,等自己唔好中伏。唔好以為講飲講食就無咩是非喎,正所謂有人嘅地方就有江湖,小人中傷真係四圍都有。近日,香港飲食YouTuber就有場衝突,CatGirl、兩公婆食在香港同煮家男人Bob叔,都牽涉其中⋯⋯

Image source:YouTube/CatGirl貓女孩影片截圖

文/積遜猿

香港知名飲食YouTuber CatGirl,一向以識飲識食知名,足跡遍及台灣、泰國等地,成日同好有愛嘅攝影師Ken拍4K片畀觀眾睇,製作相當認真!CatGirl充滿正能量,唔少媒體都訪問過佢,佢嘅故事,成日都鼓勵到其他身形比較豐滿嘅男仔女仔,可以更加開心積極咁面對人生。CatGirl亦都力撐香港6月起至今嘅社會運動,除咗呼籲Fans參加社運,自己都成日去到現場,令一眾網民都好鬼感動。不過呢,近日就有人喺網路散播CatGirl嘅負面流言,引起咗CatGirl出片澄清:

CatGirl喺10月3號,上傳題為「回應被YouTuber公開抹黑!自稱網紅要求食免費餐?成身生癬有傳染病? - 正式澄清!」嘅影片,指責另一位飲食YouTuber「兩公婆食在香港」Carman Ho喺佢哋嘅直播影片當中,抹黑佢哋,嚴重詆毀希望透過呢段影片澄清返對方嘅無理指控。喺12分鐘嘅影片,佢哋一再讀出Carman Ho喺直播嘅指控,一共分為五點,包括「半年前曾用inbox以粗口罵Carman Ho」、「主動要求餐廳要求贊助同提供免費和牛」、「CatGirl生癬同傳染病」、「CatGirl有精神病」同「呃錢攞綜援」。 

「半年前曾用inbox以粗口罵Carman Ho」,CatGirl回應話從未用任何社交媒體inbox Carman Ho。而有關「主動要求餐廳要求贊助同提供免費和牛」,更有影片證明,當時係餐廳主動提供和牛,佢哋即時再三拒絕。CatGirl喺讀出Carman Ho話佢:「根本有傳染病㗎!」「你有傳染病唔好傳染人咁賤格喇!」CatGirl重申自己並無生癬,只係患上香港每五個都有一個人有嘅濕疹,而根據香港衛生署,濕疹係唔會傳染嘅。至於針對精神病同呃錢,CatGirl話根本無事實根據,完全係失實指控,惡意嘅人身攻擊。

  

「兩公婆食在香港」喺10月3號,其FB專頁回應咗CatGirl嘅影片,話自己「真係好驚呀」,依然堅持自己對CatGirl嘅指控。佢哋亦都叫大家去睇返佢哋直播,話當時有大把觀眾爆料咁話喎。不過對於CatGirl提出嘅理據,佢哋就無再作進一步嘅回應。呢個時候,香港飲食界YouTuber龍頭,煮家男人Bob叔都喺佢FB專頁發聲,支持CatGirl!

煮家男人Bob叔話,「兩公婆食在香港」之前已經成日發放「假消息,誣蔑,抹黑」其他人,自己都相當睇唔過眼。「你一定要保留追究法律權利,你要律師出聲」,煮家男人Bob叔真係力撐CatGirl喎!唔怪得CatGirl都好快喺下面留言回應:「多謝懷仔、多謝bob叔」喇。

喺澄清影片嘅最後,CatGirl都一再感謝大家,令人感動:

「十分感激一直以嚟支持我哋嘅觀眾,無論我哋曾經遇上咩嘢嘅低谷,

都一直有你哋嘅支持同扶持,都係我哋堅持到今時今日好重要嘅原因。

有班咁好嘅觀眾,係我哋嘅褔氣,多謝你哋。」


延伸閱讀►►►


警察一句鬧晒3分1港人! 屋邨仔女真係無地位?

片/澳洲記者狂串小粉紅爆紅!最新消息話俾政府告五條罪?

片/地表最強演說! 港外網民都we connect!

x

訂閱DailyView網路溫度計(香港版)電子報